AQSH memlekettik hatshysy Maık Pompeo jeksenbide koronavırýstyń qytaılyq zerthanada paıda bolǵany týraly "aıtarlyqtaı dálelder" bar ekenin málimdedi. Bul týraly Qamshy tilshisi Reuters-ke silteme jasap habarlaıdy.

Pompeo ABC basylymyna: "koronavırýstyń Ýhandaǵy zerthanadan shyqqanyna kóp dálel bar" dedi.

– Ázirge eń jaqsy sarapshylar ony qoldan jasalǵan dep oılaıdy. Meniń buǵan senbeýge eshqandaı negizim joq , –  dedi Pompeo. Suhbat alýshy AQSH-tyń barlaý organdarynyń tujyrymy olaı emes ekenin aıtqan kezde, Pompeo: "Men barlaý qaýymdastyǵynyń aıtqanyn kórdim. Men olardy qate jiberdi dep te sene almaımyn" dedi. 

Ótken beısenbide AQSH-tyń tyńshylyq agenttigi vırýstyń antropogendik nemese genetıkalyq túrlendirilgenin joqqa shyǵarǵan. Pompeonyń málimdemesi oǵan qaıshy keldi. Al, Donald Tramptyń keıbir jaqtastary "qastandyq teorıalaryn" quptaıdy. Olar koronavırýsty Qytaı úkimetiniń bıologıalyq qarý zerthanasynda jasalǵan dep sanaıdy.