Shymkentte tótenshe jaǵdaı rejımin buzǵan azamat jergilikti polısıa qyzmeti bólimi basshysyna para usynǵan. Bul týraly Polisia.kz habarlaıdy.

"23 jastaǵy er adam Ákimshilik quqyq buzýshylyq týraly kodeksiniń 476-baby boıynsha (tótenshe jaǵdaı rejımin buzý) ákimshilik jaýapkershilikke tartpaýyn surap Abaı aýdandyq Polısıa basqarmasynyń jergilikti polısıa qyzmeti bólimi basshysynyń orynbasary Nurlan Narymbetovke para retinde 15 000 teńge usynǵan", delingen departament taratqan habarlamada.

Polısıa qyzmetkeri bul jaıt týraly Shymkent qalasy polısıa departamentiniń ózindik qaýipsizdik basqarmasyna habarlap, polıseıler para berýshini aqsha berý ústinde ustady.

Atalǵan jaıt Qylmystyq kodekstiń 367-babynyń 1-bóliginde (para berý) kózdelgen qylmys belgileri boıynsha sotqa deıingi tergep-tekserýdiń biryńǵaı tiziliminde tirkelgen.