Almaty qalasynyń óńirlik komýnıkasıalar qyzmetiniń alańynda ótken onlaın-brıfıng barysynda Asfendıarov atyndaǵy Qaz UMÝ ınfeksıalyq jáne tropıkalyq aýrýlar kafedrasynyń profesory Ravılá Egemberdıeva jáne ınfeksıonıst dáriger Tamara Ýtaganova koronavırýsty emdeý jáne dıagnostıkalaý hattamalaryn túsindirdi, sonymen birge, úı karantınin uıymdastyrý, aýrýhanaǵa jatqyzý jáne koronavırýs zardaptaryna baılanysty suraqtarǵa jaýap berdi.

Ravılá Egemberdıeva vırýs juqtyrǵandarǵa úı karantıninde, ambýlatorlyq jáne reanımasıalyq deńgeıde kútim kórsetý joldary tolyq jazylǵan koronavırýs ınfeksıasyn dıagnostıkalaý jáne emdeýdiń klınıkalyq hattamasy bar ekenin túsindirdi.

Osylaısha, ol koronavırýs ınfeksıasynyń juqtyrǵandardyń ishinde aýrý belgileri joq jáne aýrýy jeńil ótip jatqan naýqastar úı karantıninde jatqanyn atap ótti. Ambýlatorlyq bólimdegi negizgi mindet aýrýdyń aýyr formasynyń aldyn alý bolyp tabylady, al reanımasıalyq bólimde aýrý juqtyrý sońy jaǵymsyz aıaqtalmaýy úshin qarqyndy terapıa júrgiziledi.

Aýrýhanadan shyǵarylǵannan keıin de pasıentter qashyqtyqtan medısınalyq baqylaýda bolady.

Sondaı-aq, Tamara Ýtaganova koronavırýs ınfeksıasynyń aýrý belgileri baıqalmaıtyn formasy týraly kóp qoıylatyn saýaldarǵa jaýap berip, aýrýdyń zardaptary jáne ınfeksıalyq aýrýlardyń jalpy kórsetkishi jaıly aıtty.

Aýrý belgileri baıqalmaıtyn ınfeksıa taratýshylardyń qaýpi nede, sondaı-aq, medısınalyq baqylaý men emdeýdiń qalaı júrgiziletinin túsindirdi.

– Vırýstyń aýrý belgileri joq formasyn juqtyrǵandar qandaı da bir álsizdikti sezinbegenmen, basty qaýip olardyń vırýsty tasymaldaýshy ekendikterinde, ıaǵnı ınfeksıa qozdyrǵyshy bolyp tabylady. Eske salyp ótkim keletini, mundaı naýqastarǵa qandaı da bir em júrgizilmeıdi. Aýrý belgileri baıqalmaıtyn naýqastar, sonymen birge, aýrýy jeńil túrde ótip jatqan azamattar eger úılerinde qart adamdar men sozylmaly aýrýlary bar adamdar bolmasa, úı karantıninde bolýlary kerek. Úıde qalýǵa múmkindikteri bolmasa, karantındik stasıonarlar bar.

Tamara Ýtaganova  azamattardyń  kóbinese aýrýdyń  temperatýra bolmasa, basqa belgilerine nazar aýdarmaıtynyn atap ótti.

– Temperatýra koronavırýs ınfeksıasynyń jalǵyz belgisi emes. Eger sizde basqa da bir aýrý belgileri baıqalsa, jaǵdaıdyń qıyndaýyn kútýdiń qajeti joq. Ózińizdiń jalpy  tájirıbelik dárigerińizben habarlasý kerek, – dedi ol.

Epıdemıologıalyq kezeńde tumaý jáne qyzylsha aýrýlary tirkelgen jaǵdaılar sırek ekenin atap ótti.

– Koronavırýsqa baılanysty engizilgen oqshaýlaný jalpy aýyrý deńgeıiniń tómendeýine sebep bolǵany sózsiz. Tumaýmen aýyrý jaǵdaılary tirkelgenmen, kóbinese koronavırýs ınfeksıasymen sáıkes kelmedi. Sondaı-aq, búgingi tańda qyzylshamen aýyrý oqıǵalary joq.

Dárigerler jeke gıgıena talaptaryn saqtaý aýrýlardyń aldyn alýda qashanda jón is bop sanalatynyn, sondyqtan da ol turǵyndar arasynda ádetke aınalsa, ártúrli ınfeksıalyq aýrýlarǵa shaldyǵý deńgeıin túsirýge ákeler edi dep oı qosty. Olar dál qazirgi ýaqytta qajetti sanıtarlyq-epıdemıologıalyq talaptardy saqtaý men adamdar kóp jınalatyn jerlerge barmaýdyń óte mańyzdy ekenin de atap ótti.

– Kórip turǵandaryńyzdaı koronavırýspen aýyrýdyń saldary óte aýyr bolýy múmkin. Dárigerler pasıentter densaýlyǵy úshin kún saıyn kúres júrgizýde, alaıda turǵyndar óz áreketterine, ásirese qazirgideı aýrýǵa ushyraý birden órshı túsken sátte, jaýapkershilikpen qaraýy kerek. Sondyqtan da biz sizderge qarastyrylyp otyrǵan sharalardy ustanýdyń mańyzdy ekenin eskerte ketkimiz kelip otyr, – dep túıindedi Ravılá Egemberdıeva.