Almaty qalasynyń óńirlik komýnıkasıalar qyzmetiniń alańynda ótken onlaın-brıfıng barysynda koronavırýstan emdelý jáne ony dıagnostıkalaýǵa qatysty suraqtarǵa jaýap berildi.

Vıdeokonferensıaǵa Almaty qalasynyń Qoǵamdyq densaýlyq saqtaý basqarmasynyń basshysy Kamaljan Nadyrov, Almaty qalasy boıynsha Taýarlar men qyzmetterdiń sapasy men qaýipsizdigin baqylaý departamentiniń basshysy – qalanyń bas memlekettik sanıtar dárigeri Jandarbek Bekshın, «Ulttyq saraptama ortalyǵy» SHJQ RMK fılıaly dırektorynyń orynbasary Natalá Dágıleva, «Olımp KDZ» bas dırektory Erlan Súleımenov jáne «Medical Partners Korea Qazaqstan (Medıkal Partners Koreıa Qazaqstan)» JSHS medısınalyq qyzmet boıynsha dırektor Doktor Mın Hısýk qatysty.

Kamaljan Nadyrov koronavırýspen aýyryp jatqan dıagnostıkalaý jáne emdeý hattamasyna engizilgen jańa erejeler týraly pikir bildirip, qaladaǵy koronavırýske qatysty aǵymdaǵy jaǵdaı jóninde habarlady.

«Klınıkalyq hattamadaǵy ózgerister koronavırýs ınfeksıasynyń belgilerine uqsas aýrý belgileri bar naýqastardy emdeýge ruqsat etedi, alaıda ol úshin olardyń test nátıjeleri oń nátıje kórsetpeýi kerek», — dep atap ótti Kamaljan Nadyrov. Osylaısha, jańadan engizilgen ózgerister jaǵdaıdy baqylaýda ustaýǵa, sonymen birge aýrýdyń áldeqaıda aýyr formalaryn boldyrmaýǵa múmkindik beredi.

Soǵan qaramastan, búgingi kúni Almatyda juqtyrýdyń 3258 oqıǵasy tirkelgen, ınfeksıalyq stasıonarlarda 1351 adam jatyr. Kamaljan Nadyrov naýqastardyń sany kún saıyn kóbeıip jatqanyn taǵy da eske saldy, soǵan baılanysty azamattarǵa óz taraptarynan tártipti saqtaý kerek.

Jandarbek Bekshın óz kezeginde koronavırýs ınfeksıasyn dıagnostıkalaý barysyn, sonymen birge testter jetispeıdi degen aqparatqa baılanysty túsinikteme berip ótti.

«Qazirgi sátte testten ótýge degen suranys kóbeıip otyr. Búginde koronavırýsqa test tapsyrýǵa bolatyn 6 zerthana jumys isteıdi. Ókinishke qaraı, jumysqa túsken salmaqtyń artýyna baılanysty, keıbir zerthanalarǵa az ǵana ýaqytqa óz pýnktterin tehnıkalyq jumystar júrgizý úshin jabýǵa týra keldi», — dep habarlady Jandarbek Bekshın, soǵan qaramastan, jaǵdaıdyń baqylaýda ekenin jáne qajetti testileý kólemin júrgizý (jasaý) úshin medısınalyq resýrstardyń jetkilikti ekenin atap ótti. Tıisti tehnıkalyq jáne sanıtarlyq-epıdemıologıalyq sharalar aıaqtalǵannan keıin testileý pýnktteri kelýshilerdi qabyldaı bastaıdy.

Qalalyq zerthanalardyń basshylary da óz qyzmetteri jaıly túsindirip ótti. Osylaısha, Natalá Dágıleva Ulttyq saraptama ortalyǵy barlyq kezeń boıy 70 myńnan astam test ótkizgenin, olardyń arasynda 2333-i oń nátıje kórsetkenin habarlady.

Táýlik boıy isteıtin jumys kestesin eskere otyryp, zerthanalardyń qýattylyǵy bir kúnde 700-1000 testti quraıdy, alaıda qazir zerthana tek memlekettik tapsyrystar boıynsha jumys isteıdi. Bul koronavırýsqa test tapsyratyn jekemenshik pýnktterdiń paıda bolýymen baılanysty.

Budan ózge, USO boljam boıynsha 24 maýsymnan bastap jumysyn bastaıtyn «Atakent» QİQO-ǵy jańa zerthananyń qyzmetin retteýmen aınalysady. Jańa zerthana jumyssyzdar, az qamtylǵan jáne kópbalaly otbasylardyń músheleri, múmkindigi shekteýli azamattar, stasıonarlarǵa josparly túrde jatqyzylatyn naýqastar, jastary 50-den asqan pasıentter, tynys alý aýrýlary boıynsha, endokrındik jáne júrek qan-tamyrlary júıesi boıynsha dınamıkalyq baqylaýda turǵan azamattar úshin tegin 30 myń test ótkizbek.