Erlan Súleımenov «OLIMP KDZ» epıdemıa bastalǵaly búkil Qazaqstan boıynsha koronavırýs ınfeksıasyna test qabyldaýdy júzege asyrǵanyn habarlady.

Olardyń pýnktteriniń basty mindeti – Almaty qalasyndaǵy basqa zerthanalarǵa túsetin kúshti azaıtý, soǵan baılanysty kórshiles qalalarda qazir bar testileý pýnktterine qosymsha zerthanalar ashý josparlanýda. Osylaısha, basqa qalalardyń turǵyndary testten óz aımaqtarynda óte alady, sonyń nátıjesinde Almatydaǵy zerthanalarǵa túser salmaq azaıýdy.

Qazirgi sátte «KDL OLIMP» tehnıkalyq jumystar men sanıtarlyq-epıdemıologıalyq sharalardyń júrgizilýine baılanysty óz qyzmetin toqtatyp qoıdy. Zerthanalar dúısenbi kúni qaıta ashylady, osylaısha turǵyndar aqyly túrde koronavırýsqa test tapsyra alady.

Doktor Mın Hısýk «Medical Partners Korea Qazaqstan» zerthanalarynda júrgiziletin testter týraly aıtty. Bul medısınalyq ortalyqtarda aqyly test tapsyrý múmkindigi de bolǵan edi. Degenmen de bul ortalyqtar da zertteýge qajetti materıaldardyń áýe joldary arqyly ákelinýiniń turaqsyzdyǵy sebebinen óz qyzmetin ýaqytsha toqtatty.

Zerthanalar óziniń jumysyn sársenbi kúni bastaıdy jáne testterdi aqyly túrde ótkizýge qaıtyp oralady. Budan ózge, «Halyq Arena» muz saraıynyń aýmaǵynda qosymsha testileý pýnktterin ashý josparlanýda. Sondaı-aq, Nurly-Taý bıznes-ortalyǵynyń janynda ornalasqan «Medical Partners Korea Qazaqstan» mobıldi skrınıng-ortalyǵy bar ekenin jáne onda koronavırýsqa ekspress-test tapsyrýǵa bolatynyn eske salamyz.

Koronavırýsqa tapsyrylatyn ekpress-testtiń PTR-testileýden aıyrmashylyǵy, birinshisinde, pasıent antıdenelerdiń baryna, jekeleı alǵanda, M jáne G ımmýnoglobýlınge, al ekinshi jaǵdaıda, ol RNQ vırýsynyń bar-joqtyǵyn anyqtaý úshin tekseriledi.

Osylaısha, birinshi ádis aýrýdy onyń eń órshigen kezinde anyqtaýǵa baǵyttalǵan, sonymen birge ol koronavırýs ınfeksıasymen aýyryp bolǵandar úshin tıimdi bolyp tabylady. Dıagnostıkalaýda tıimdi ádis bolyp PTR-testileý bolyp sanalady, ol aýrýdy bas kezinen anyqtaı alady.

Zerthanalar basshylarynyń bári artylyp otyrǵan jumys kúshine qaramastan, olar birinshi qajettilik týyndaǵan jaǵdaıda jumystaryn jalǵastyratynyn málimdedi.

Olar sonymen birge, júrgiziletin test sanynyń kóp bolýyna baılanysty onyń nátıjesi ádettegi 24 saǵattyń ornyna 48 saǵatta shyǵarylýy múmkin ekendigin aıtyp ótti.