Ótken aptada Almatyda shetel qazaqtaryna arnalǵan Halyqaralyq óner festıvali ótti. Mádenıet jáne aqparat mınıstrliginiń Til komıteti  ótkizgen bul is-sharada álemniń túkpir-túkpirinen kelgen baýyrlarymyz óner kórsetti.  Festıvál aıasynda ótkizilgen jyr músháırasy, termeshiler jarysy jáne sýretshiler kórmesi óz máresine jetip, júldegerler baǵaly syılyqtarmen marapattaldy. Almatydaǵy Ǵ.Músirepov atyndaǵy teatrda ótken ataýly jıynǵa óz elimizdiń aıtýly óner maıtalmandary qatysyp, jas talanttardyń ónerine qazylyq etti. Aıta keterligi bas-aıaǵy eki kúnge josparlanǵan Halyqaralyq óner festıvali óte joǵary deńgeıde ótti. Kórermenderdiń kózaıymyna aınalǵan jas ónerpazdar jınalǵan qaýymdy erekshe talanttarymen tánti etti. Til komıteti tóraǵasynyń orynbasary Sherýbaı Qurmanbaıuly jınalǵan qaýymǵa ataly sóz aıtyp, Qazaqstan memleketi álemniń ár túkpirindegi qazaqqa árqashanda qamqor bolatyndyǵyn jetkizdi.  Jyr músháırasynyń júldegerleri: Bas júlde(150 myń teńge) – Esbol Nurahmet(Qytaı) Birinshi júlde(100 myń teńge) – Naýryzbaı Jarbosynuly(Ózbekstan) İİ oryn(80 myń teńge) – Jandos Amanjoluly(Mońǵolıa) İİİ oryn(50 myń teńge)  - Múbárak Qızatuly(Qytaı) Yntalandyrý syılyǵy(30 myń teńge) – Jarasqan Nurbaev(Ózbekstan) Jyr-termeshiler básekesiniń júldegerleri: Bas júlde(150 myń teńge) – Muqataı Baımuhammet(Qytaı) Birinshi júlde(100 myń teńge) – Sántıa Ónerhanqyzy(Qytaı) İİ oryn(80 myń teńge) – Qadyhan Manaıuly(Mońǵolıa) İİİ oryn(50 myń teńge)  - Jazıra Sarqytbekqyzy(Qytaı) Yntalandyrý syılyǵy(30 myń teńge) – Zańǵar Erkebekuly(Qytaı) Sýretshiler baıqaýynyń jeńimpazdary: Bas júlde(150 myń teńge) – Baımuhanov G.S (Reseı)  Birinshi júlde(100 myń teńge) – Omarhan Qumar(Qytaı) İİ oryn(80 myń teńge) – Amantaev Alıjan(Qyrǵyz eli) İİİ oryn(50 myń teńge)  - Ómirzaq Gúlnazym(Mońǵolıa) Yntalandyrý syılyǵy(30 myń teńge) – Mámbetov Rýstam(Ózbekstan) Samǵar Rahym, kórermen: –       Mádenıet jáne aqparat mınıstrligi  ótkizgen bul is-sharaǵa kórermen bolǵanyma óte qýanyshtymyn. Álemniń ár túkpirinen kelgen Alash balasynyń ónerin tamashalaý ekiniń biriniń mańdaıyna jazyla bermes. Jalpy, mundaı is-sharalardyń arasy alystap ketpeý kerek. Maýsym saıyn uıymdastyrylyp otyrsa tipten quba-qup. Bul óte quptarlyq jıyn. Tolqyn Isakova Masa.kz