Qazaqstan Respýblıkasy prezıdentiniń janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń onlaın-keńesi ótti. Keńes barysynda qalalyq komısıanyń tóraǵasy, Almaty qalasy ákiminiń orynbasary Erjan Babaqumarov Qazaqstandaǵy 2030 jylǵa deıingi otbasylyq jáne genderlik saıasat tujyrymdamasyn júzege asyrýdyń qorytyndylary týraly esep berdi.

Birinshi kezeń aıasynda, 2017-2019 jyldar aralyǵynda Almatyda 6 maqsatty ındıkatorǵa qol jetkizildi. Qalada reprodýktıvti densaýlyqty qorǵaý jáne kútiletin ómir súrý uzaqtyǵyndaǵy genderlik alshaqtyqty joıý úshin jaǵdaı jasaýǵa baǵyttalǵan 38 uıym jumys isteıdi. Ortalyqtardyń bazasynda analar mektebi qarastyrylǵan, densaýlyq boıynsha qaýip tobyndaǵy áıelderdi aýrýhanaǵa jatqyzýda baqylaý júrgiziledi. Mysaly, erlerdiń áıelderge qatysty kútiletin ómir súrý uzaqtyǵyndaǵy genderlik alshaqtyq orta eseppen 3 jylda 7,2 jasqa deıin qysqardy (2020 jylǵa jospar boıynsha – 8,5 jas, 2023 jylǵa qaraı – 8 jas, 2030 jylǵa qaraı – 7 jas).

Turmystyq zorlyq-zombylyqtyń aldyn alý jumystaryna erekshe kóńil bólinedi. Almaty qalasynda "Jansaıa" memlekettik daǵdarys ortalyǵy jumys isteıdi, qalanyń árbir aýdanynda turmystyq zorlyq-zombylyqtan zardap shekken áıeldermen jumys isteý ortalyqtary ashyldy. Ortalyqtar medısınalyq uıymdarmen jáne ishki ister organdarymen ózara tyǵyz áreket jasaıdy. Ótken jyly áıelderge qatysty tirkelgen turmystyq zorlyq-zombylyq faktileri sanynyń azdap tómendeýi jáne balalarǵa qatysty zorlyq-zombylyq faktileriniń 48 paıyzǵa tómendegeni tirkeldi.

Otbasy jáne balalyq shaqty qoldaý ortalyǵy jumys isteıdi, onda otbasyndaǵy daǵdarys kezinde balalarǵa ýaqytsha kútim jasalady. Jetim balalar men ata-ana qamqorlyǵynsyz qalǵan balalardy qoldaýdy jáne beıimdeýdi kózdeıtin tálimgerlik ınstıtýtyn damytý boıynsha jumys júrgizilýde. Arnaıy qurylǵan "Baqytty otbasy" áleýmettik ortalyqtarynda qoldaý sharalarymen shamamen 28 myń adam, onyń ishinde 3,5 myń bala qamtyldy. Kóp balaly otbasylardan shyqqan 700-den astam adam jumysqa ornalastyryldy.

Erler men áıelderdi jumyspen teń qamtýdy qamtamasyz etý úshin jaǵdaı jasaý jáne áıelder kásipkerligin qoldaý sharalary jónindegi júıeli jumystyń arqasynda áıelderdiń erlerdiń jalaqysyna shaqqandaǵy ortasha jalaqysynyń úlesi 82,6%-dy qurady (jospar 2020 jylǵa qaraı – 70%, 2030 jylǵa qaraı-75%). Jyl basynan beri myńnan astam áıel óz bıznesin damytý úshin grant aldy. 2017-2019 jyldary tirkelgen SHOB sýbektileriniń barlyǵy 45,9%-y áıelderge tıesili.

Jalpy, Almatyda otbasylyq jáne genderlik saıasat tujyrymdamasynda belgilengen barlyq mindetterdi iske asyrý josparly kórsetkishterge sáıkes júrgizilýde.

QR Prezıdenti janyndaǵy Áıelder isteri jáne otbasylyq-demografıalyq saıasat jónindegi Ulttyq komısıa Almaty qalalyq komısıasynyń koronavırýs pandemıasy kezeńinde halyqtyń áleýmettik osal toptaryn qoldaý, sondaı-aq aldyńǵy qatardaǵy medısına qyzmetkerlerine, polısıa qyzmetkerlerine qoldan kelgenshe kómek kórsetý jónindegi jumysynyń oń tájirıbesin atap ótti. Qalalyq komısıa músheleri jalpy qalalyq problemalyq máselelerdi sheshý sheńberinde ÚEU ókilderimen jáne jurtshylyqpen tyǵyz ózara is-qımyl jasaıtynyn atap ótken jón, bul qabyldanatyn sharalardyń tıimdiligin arttyrady.