Adam quqyqtary jónindegi Eýropalyq sot 6 qazanda Qarabaq qaqtyǵysyna baılanysty Túrkıaǵa qarsy ýaqytsha sharalar qoldaný týraly sheshim qabyldaǵan. Endi jaldamalylardy Qarabaqqa aýystyrý máselesi boıynsha sot Túrkıaǵa "raqymshylyq jasap", kerisinshe Ázerbaıjandy "jazalaýy" múmkin. Bul týraly armeniasputnik.am saıty habarlady. 

Adam quqyqtary jónindegi Eýropalyq sot (budan keıin AQES – red.) radıkaldardyń Qarabaqtaǵy qaqtyǵys aımaǵyna aýysýyna baılanysty Túrkıaǵa qarsy ýaqytsha sharalar qabyldanǵanyn jarıalaǵan bolatyn. AQES-tiń Armenıadaǵy ókildigi feısbýk paraqshasynda osyǵan qatysty málimet usyndy. 

Habarlamada Armenıa, Reseı jáne Ázerbaıjan basshylarynyń Qarabaqtaǵy atysty toqtatý týraly birlesken málimdemesi negizinde 17 qarasha kúni Túrkıa Eýropalyq sotqa sheshimniń kúshin joıý týraly ótinish bergeni jazylǵan.

1 jeltoqsanda AQES Ankaranyń apelásıalyq shaǵymyn qaıta qarap, Túrkıaǵa qarsy ýaqytsha sharalardy joıdy. Al Ázerbaıjanǵa qarsy ýaqytsha sharalar kúshinde qalady.

Buǵan deıin, armán saıttarynda Túrkıa Qarabaq pen Armenıaǵa qarsy paıdalaný maqsatynda Sırıanyń soltústiginen jaldamaly terrorısterdi Ázerbaıjanǵa ótkizgeni týraly aqparat tarady. Bul derekti halyqaralyq buqaralyq aqparat quraldary jáne sheteldik quqyq qorǵaý uıymdary ǵana emes, sonymen qatar Sırıa, Fransıa, Reseı, AQSH, t.b. bılik ókilderi rastaǵan. Atalmysh aqparat negizinde Armenıa sotqa júgindi. 5 qazanda AQES Armenıa úkimetinen Taýly Qarabaqtaǵy jaǵdaıǵa baılanysty Túrkıaǵa qatysty ýaqytsha sharalar qabyldaý týraly 39-norma negizinde ótinish qabyldady. Sot 29 qyrkúıektegi ýaqytsha sharalardy qoldaný týraly sheshimdi ózgerissiz qaldyrdy jáne qaqtyǵysqa tikeleı nemese janama qatysýshy barlyq elderdi, sonyń ishinde Túrkıany, Eýropalyq konvensıaǵa sáıkes, beıbit turǵyndardyń quqyqtaryn buzbaýǵa shaqyrdy. 

Armenıanyń syrtqy ister mınıstrligi halyqaralyq jáne aımaqtyq qaýipsizdik pen turaqtylyqqa eleýli qaýip tóndiretin EQYU aýmaǵynda ornalasqan qaqtyǵys aımaǵynda Taıaý Shyǵystan sheteldik terrorıster men jıhadshylar ornalastyrylǵan kezde terorızm taralýynyń múldem jańa kórinisi bar dep málimdedi.