Ázerbaıjan prezıdenti Ilham Alıev Jeńis kúnin jáne Taýly Qarabaqtaǵy qaqtyǵys kezinde qaza tapqandardy eske alý kúnin  belgileý týraly jarlyqqa qol qoıdy. Bul týraly aze.az saıty habarlady. 

Jarlyqqa sáıkes, 10 qarasha Ázerbaıjan Respýblıkasynda Jeńis kúni bolyp belgilendi. Al Qarabaqtaǵy jaǵdaıdyń taǵy bir ýshyqqan ýaqyty – 27 qyrkúıekte ázerbaıjandar qaza tapqandardy eske alatyn bolady.

Buǵan deıin 10 qarasha kúni Taýly Qarabaqta áskerı áreketterdi toqtatý týraly sheshim qabyldanǵan. Armenıa, Ázerbaıjan jáne Reseı arasynda bolǵan kelisim boıynsha, barlyq aýdandar Ázerbaıjanǵa qaıtarylyp, al basqynshy ásker sol aýmaqtan túgel shyǵarylýǵa tıis boldy. 

Osylaısha Lachın, Agdam, Kelbadjar aýdandary Ázerbaıjanǵa qaıtarylyp, basqynshy ásker aımaqtan shyǵaryldy.