Ranking.kz saıty 2020 jyly Qazaqstan bankteri depozıt portfeliniń qalaı ózgergenine jasaǵan sholýdy jarıalady. Saıt dereginshe, koronavırýs pandemıasy kezinde ekinshi deńgeıli bankter klıentiniń salymyn kóbeıe túsken. Jyl basynan beri bank sektoryndaǵy depozıt bazasy 2,96 trıılıon teńgege artyp, 20,94 trıllıonǵa jetken. Onyń 2,36 trıllıon teńgesi eldegi eń iri on bankke tıesili. Depozıt kólemi boıynsha birinshi orynda Halyk Bank tur.

Jyl basynan beri banktegi depozıt jınaqtary 633,6 mıllıard teńgege artyp, 7,1 trıllıon teńgege jetken. Depozıttiń jyl boıǵy artý kórsetkishindegi Halyk Bank úlesi 21,4%-dy quraıdy. Al salymshylar ósimindegi bank úlesi 26,9%-ǵa teń.

Zańdy tulǵalar salymy jóninen de Halyk Bank aldyńǵy orynda. Bıyl banktegi zańdy tulǵalar depozıtiniń kólemi 310,6 mıllıard teńgege artyp, 3,57 trıllıon teńgege jetti.

Jeke tulǵalardyń salymy boıynsha Kaspi Bank (+357,8 mlrd tg., 1,88 trln teńgege deıin ósken), Halyk Bank (+323 mlrd tg., 3,49 trln teńgege deıin ósken) jáne Turǵyn úı qurylys jınaq banki (+121,1 mlrd tg, teńgege deıin ósken) alǵashqy úshtikte.

Jyl basynan beri ekinshi deńgeıli bankterdegi korporatıv salymy 1,8 trıllıon teńgege, al jeke salymdar 1,16 trıllıon teńgege artqan. Naryqtaǵy iri bank Halyk Bank eki salym túriniń artýy jóninen kósh bastap tur.

Bank munyń sebebin tómendegi faktorlarmen baılanystyrady:

• bank halyqqa túrli yńǵaıly sharttary bar depozıtter usynady;
• shaǵyn jáne orta bıznesti qosa alǵanda bıznes úshin merzimdi jáne shartty salymdar qarastyrylǵan;
• aǵymdaǵy shottar men jalaqy jobalaryn júrgizý úshin qolaıly jaǵdaı beredi.

Banktiń mundaı turaqty ósýin Fitch Ratings (BB+), Moody’s Investors Service (Ba1), Standard and Poor’s (BB) sıaqty álemdegi jetekshi reıtıń agenttikteriniń joǵary senimdilik reıtıńisinen de kórýge bolady.

Oǵan qosa, Halyk Bank-tiń aktıv tabystylyǵy bank sektoryndaǵy ortasha kórsetkishten joǵary. Eldegi ekinshi deńgeıli bankterdiń qańtar-qazan aralyǵyndaǵy aktıv tabystylyǵy 2,2% bolsa, Halyk Bank-tiki – 2,6%. Kapıtal kórsetkishi de joǵary, onyń naryqtaǵy ortasha kórsetkishi 17,8% bolsa, bul bankte 19,3%-ǵa jetken.