"Qytaı Avstralıany jazalaǵandaı esh oılanbastan Ulybrıtanıany da jazalaıdy" dep habarlady Deılı Meıl, The Independent sıaqty basylymdar. Brıtanıalyq BAQ-tardyń jazýynsha, Breksıttiń Beıjińmen erkin saýda kelisimi aýyr zardapqa soqtyrýy múmkin.

"Qytaı Avstralıaǵa jasaǵanyn Ulybrıtanıaǵa jasaýdan tartynbaıdy" dedi Ulybrıtanıanyń jetekshi akademıgi, SOAS ýnıversıtetiniń Qytaıtaný ınstıtýtynyń profesory Stıv Sang.

Avstralıa 2015 jyly Qytaımen erkin saýda týraly kelisimge qol qoıdy. Osy ýaqyttan bastap el ekonomıkalyq turǵydan Beıjińge táýeldi bola bastady, óıtkeni Avstralıa eksportynyń shamamen úshten ekisi Qytaıǵa jiberiledi. Avstralıa Qytaı eksporttyna táýeldi ekenin jáne óziniń egemendigine qaýip tóndiretin jaǵdaıdy pandemıa kezinde bildi. Ýhandaǵy koronavırýs indetine qatysty Beıjińniń alǵashqy jaýabyna kúmán keltirgen kezde, Avstralıa ózine tyqyr taıaǵanyn sezdi.

COVID-19 týraly qytaılyq aqparattarǵa kúmán keltirgeni úshin jáne Gonkongtaǵy demokratıany qoldaǵany úshin de Kanberra tarıfter arqyly jazalandy.

Breksıtten keıingi Ulybrıtanıa men Qytaı arasyndaǵy erkin saýda týraly kelisim Ulybrıtanıanyń eksporttyq ekonomıkasy úshin qarjylyq tirek bola alady, biraq brıtanıalyq sarapshylar mundaı kelisimniń Avstralıanyń tájirıbesindegideı saldarǵa ákep soqtyratynyn aıtady.