AQSH prezıdenti Donald Tramptyń jaqtaýshylary demalys kúnderi Vashıngtonda Trampqa qarsy demonstranttarmen qaqtysyp qaldy. Qaqtyǵystan birneshe polısıa qyzmetkeri jaraqattanyp, ondaǵan adam qamaýǵa alyndy.
Polısıa 20-dan astam adam "shabýyl jasady", "qarsylasty", "dúrbeleń týdyrdy" degen sıaqty ártúrli quqyq buzýshylyqtar boıynsha qamaýǵa alynǵanyn habarlady.
Sońy zorlyq-zombylyqqa jalǵasqan sherý senbide bastalǵan. Polısıanyń habarlaýynsha, qaladaǵy tóbelesten keıin tórt er adam pyshaqtalǵan. 29 jastaǵy vashıngtondyq Fıllıp Djonson "qaýipti qarýmen shabýyl jasady" degen aıyppen qamaýǵa alyndy.
"Demonstrasıalar kezinde segiz polısıa qyzmetkeri jaraqat aldy" dep habarlady sheneýnikter.
Pikir qaldyrý