Jańa týylǵan nárestelerdiń sarǵaıýy óte jıi kezdesedi. Ol vaksınany alǵan-almaǵanyna qaramastan, nárestelerdiń 50-60% bolatyn jaıt. Sábılerdiń sarǵaıýy qandaǵy bılırýbınniń joǵary konsentrasıasyna baılanysty. Bılırýbın, óz kezeginde, erıtrosıtterdiń – qannyń qyzyl bólshekteriniń tabıǵı joıylýy nátıjesinde oryn alady.

Eresekterde bılırýbın baýyr qyzmetimen aǵzadan shyǵarylady, biraq jańa týǵan nárestelerde bul organ áli tolyq qýatta jumys istemeıdi jáne fermentter mólsheri jetkiliksiz bolady. Nátıjesinde bılırýbın olardyń qanynda jınalady, bul terige sarǵysh tús beredi. Bul rette sábı eshqandaı aýrýdy sezinbeıtinin atap ótkenimiz jón.

Ádette, jańa týylǵan nárestelerdiń sarǵaıýy 2-3 aptadan keıin basylady jáne emdeýdi qajet etpeıdi.

Vaksınasıanyń bul qubylysqa eshqandaı qatysy joq. Qazaqstannyń perzenthanalarynda náresteler eki túrli vaksına alady: týberkýlezge qarsy jáne B vırýstyq gepatıtine qarsy. Olar ádette bala dúnıege kelgennen keıin 1-4 kúni salynady.

Dárigerler vaksınalardyń jańa týǵan nárestelerde sarǵaıýdyń damýyna áserin birneshe ret joqqa shyǵarǵan bolatyn.

Sonymen qatar, fızıologıalyq sarǵaıýdyń bolýy V gepatıtine qarsy vaksınasıa júrgizýge qarsy kórsetilim bolyp sanalmaıdy.

Demek, vaksınasıa nárestelerde sarǵaıýdy týdyrýy múmkin degen tujyrymdarǵa eshqandaı negiz joq jáne mamandar ony birneshe ret joqqa shyǵardy.

zakon.kz