Sybaılas jemqorlyqqa qarsy is-qımyl agenttiginiń erekshe mańyzdy ister jónindegi tergeýshisi Danıar Bıǵaıdarov Shyǵys Qazaqstan oblystyq sýdıalarynyń zańsyz áreketteri týraly habarlady.
– Shyǵys Qazaqstan oblysy boıynsha departament Joǵarǵy Sotqa jumys ýaqytynda sot ǵımaratynda para alý jáne spırttik ishimdikterdi ishý faktileri boıynsha oblystyq tórt sýdıaǵa, onyń ishinde Óskemen qalasynyń №2 sotynyń tóraǵasyna qatysty usynys engizdi, – dedi ol.
Danıar Bıǵaıdarov tártiptik komısıanyń sheshimimen Óskemen qalalyq №2 sotynyń tóraǵasy Qasymov, sýdıalar Arǵymberdi, Qaıroldına jáne Glýbokoe aýdandyq sotynyń sýdıasy Ámirov qyzmetinen bosatylǵanyn aıtty.
