Almatyda 17 qańtardan bastap metro jumysyn bastaıdy. Bul týraly qalalyq mobıldilik basqarmasy habarlady.
"Almaty metrosy aǵymdaǵy jyldyń 17 qańtarynda saǵat 07.00-den 21.00-ge deıin jolaýshylar úshin ashyq. Poıyzdardyń qozǵalys aralyǵy qarbalas ýaqytta 10 mınýt, al qalǵan ýaqytta 13 mınýt bolady. Metro kestesindegi qosymsha ózgerister keıinirek habarlanady" delingen basqarma taratqan aqparatta.
Sonymen qatar, 17 qańtardan bastap qaladaǵy qoǵamdyq kólikter, onyń ishinde troleıbýstar men qala mańyndaǵy marshrýttar saǵat 21.00-ge deıin júredi. Osylaısha, qalalyq marshrýttar saǵat 08.00-den 21.00-ge deıin, qala mańyndaǵy marshrýttar – 09.00-den 21.00-ge deıin jumys isteıdi.
Pikir qaldyrý