Burynǵy Densaýlyq saqtaý mınıstri Eljan Birtanov Qarjy monıtorıńi agenttigi zańbuzýshylyqtarǵa jol berip jatqanyn málimdedi. Bul týraly eks-sheneýnik óziniń Facebook paraqshasyna jazdy.
– Ózimdi qorǵaý quqyǵym qaıta buzylyp jatyr. Tergeý júrgizý kezinde qarjy monıtorıńi tarapynan zańdy óreskel buzǵany týraly bizdiń shaǵymdarymyz jáne Bas prokýratýraǵa jiberilgen tıisti sharalar qabyldaý týraly ótinish qaralmaǵan, alaıda aıyptaý aktisi bekitilgen. Iaǵnı bizdiń ustanymymyz ben quqyǵymyz eshkimdi qyzyqtyrmaı ma?, – dep jazdy Birtanov jelide.
Eks-mınıstr 2020 jylǵy 3 qarashada asa iri kólemde búdjet qarjysyn ysyrap etý faktisi boıynsha kúdikke ilinip, qamaýǵa alynǵan.
7 qarashada Birtanovqa qatysty bultartpaý sharasy ózgertilip, úı qamaqqa alynǵan. Munan soń úı qamaqqa alý sharasy áldeneshe ret uzartylǵan.
2021 jyldyń 26 sáýirde Birtanovtyń komersıalyq qurylymda jumys istep jatqany týraly aqparat shyqty.
Pikir qaldyrý