"Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy. Telearna aqparatynsha, Máskeý qazirdiń ózinde "jalǵan jalaý operasıasyn" júrgizý úshin jedel ýákilderdi daıyndap qoıǵan. Ál-Jazıra bul aqparatty Vashıngton men Kıevtiń málimdemelerine silteme jasap habarlady.

Ýkraına áskerı barlaý qyzmetiniń málimetterine sáıkes, Reseı arnaıy qyzmetteri Kıevti aıyptaý úshin Moldovanyń Prıdnestrove aımaǵynda "arandatýshylyqqa" daıyndalyp jatyr.

Ýkraına juma kúni Reseıdi ondaǵan resmı saıttarǵa jasalǵan kıbershabýyldyń artynda tur dep aıyptady. Saıttar jelige qosylýdan buryn "eń nashar jaǵdaıǵa daıyndalyńdar" dep eskertken habarlama paıda bolǵan. Saıttardyń kópshiligi birneshe saǵat ishinde qalpyna keltirilgen.

AQSH pen NATO shabýyldy aıyptap, Ýkraınaǵa qoldaý kórsetti. 

Kremldiń baspasóz hatshysy Dmıtrıı Peskov bul habarlardyń dálelsiz jáne negizsiz ekenin málimdedi.