"Samuryq-Qazyna" ulttyq ál-aýqat qorynyń basqarma tóraǵasy Almasadam Sátqalıev áleýmettik jelidegi paraqshasynda usynylǵan tujyrymdamalar men Qordyń aldaǵy taǵdyry týraly aıtty.
Sátqalıev Qazaqstan halqyna eskertpeler men usynystary úshin alǵysyn bildirip, kóterilgen ózekti máselelerdiń biri qordy el ekonomıkasynyń sýbektisi retinde ustaýdyń maqsatqa saı ekenin atap ótti.
– Kóptiń kókeıinde júrgen máselelerdiń biri – QR ekonomıkasynyń sýbektisi retindegi Qordyń qyzmetin doǵarý. Usynystar ishinde Ulttyq kompanıalardy salalyq mınıstrlikterdiń basqarýyna tapsyrý usynylyp otyr. Álemdik tájirıbe kórsetkenindeı, mundaı mehanızm sybaılas jemqorlyq táýekelderin eselep ulǵaıtady. Tıimdilikti joǵaltyp, ınvestısıalyq klımattyń nasharlaýyna ákelip soǵady. Memleket retteýshi, menshik ıesi, áleýmettik baǵdarlamaldardy iske asyrýshy quzyretterin bárin teńdeı paıdalana almaıdy. Múddeler qaıshylyǵy paıda bolady. Teńgerimdi saqtap qalý úshin aktıvterdi komporatıvtik basqarýǵa berý ǵana tıimdi. Steıkholderler – Qazaqstan azamattary bul prosesti tolyq baqylaýyna ala alady, – dep jazdy ol.
Almasadam Sátqalıevtiń sózinshe, qorda tómendegideı fýnksıalar saqtalýy tıis:
- Strategıalyq mańyzy bar aktıvterdi basqarý;
- QR Úkimetiniń ekonomıkany ártaraptandyrý, shaǵyn jáne orta bıznesti jáne otandyq óndirýshilerdi qoldaý jónindegi Agenti qyzmeti;
- Infraqurylymǵa jáne ekonomıkanyń shıkizattyq emes sektorlaryna ınvestısıa quıý, naqty jobalar men jańa jumys oryndaryn qurýǵa yqpal etý;
- Jeke sektorǵa qoljetimsiz sharttar negizinde jobalardy qarjylandyrýdy qamtamasyz etý arqyly jańa naryqtardy qalyptastyrý;
- Áleýmettik mańyzy bar jobalardy iske asyrý.
Buǵan deıin qor basshysy "Samuryq-Qazynany" aldaǵy ýaqytta josparlar ashyq aqparat kózderinde jáne korporatıvtik saıtta jarıalanatynyn aıtqan bolatyn.
21 qańtarda prezıdent Qasym-Jomart Toqaev Qazaqstannyń iri bıznesmenderimen kezdesýinde "Samuryq-Qazyna" qoryn túbegeıli reformalaý qajettigin aıtqan.
Memleket basshysynyń aıtýynsha, qor jumysy ashyq júrgizilmeı otyr jáne satyp alýlar júıesi tıimsiz.
Toqaev óz sózinde aýqymdy jobalar aıaǵyna deıin jetkizilmeı jatqanyn atap ótip, qorǵa túbegeıli reforma jasaýdy tapsyrǵan. Atalǵan másele boıynsha prezıdent Almasadam Sátqalıevpen sóıleskenin, eger ol júktelgen mindetti atqara almasa, ózi de, Qor da birge ketetinin málimdegen.
Pikir qaldyrý