Premer-mınıstr Álıhan Smaıylov jemqor dep tanylǵandardan tárkilengen aqshaǵa mektep qurylysy qalaı júrgiziletinin túsindirdi, dep habarlady Ulysmedia.kz saıty.

"Biz zańnamaǵa, búdjet kodeksine arnaıy normalar ázirledik. Onda mundaı (terkilengen) aqshany alýǵa bolatyn Qarjy mınıstrligi janynan arnaıy bólek shot qarastyrylǵan. Quqyq qorǵaý organdary bul jumysty qamtamasyz etedi. Tıisti sheshim shyǵarylǵan jemqorlar úshin qarjy Qarjy mınıstrliginiń arnaıy shotyna túsip jatyr" dedi Álıhan Smaıylov Senat kýlýarynda jýrnalıserdiń suraqtaryna jaýap bere otyryp.

Smaılovtyń sózinshe, qazirdiń ózinde búdjetke shamamen 50 mlrd teńge túsken.

"Biz jaqyn arada bul soma 100 mlrd teńgege deıin ósedi dep kútýdemiz. Bul qarajat mektep jetispeıtin óńirlerde, úsh aýysymdyq bilim beretin, tótenshe jaǵdaı oryn alǵan óńirlerde mektep salýǵa baǵyttalatyn bolady" dedi ol.