Reseı azamatynyń ústinen polısıa qyzmetkerine para berýge tyrysqany úshin qylmystyq is qozǵalǵan. Bul týraly Polisia.kz portaly habarlady.

8 qarashada Aqtóbeniń irgesindegi Zarechnyı eldi mekeninde jol erejesin buzǵany úshin 56 jastaǵy júrgizýshiniń basqarýyndaǵy Volvo FN júk avtokóligi toqtatylǵan. Júrgizýshi jol belgileri talabyn saqtamaǵany úshin ákimshilik jaýapkershilikten qutylý úshin polısıaǵa para usynǵan.

Polısıa qyzmetkeri aqshadan bas tartyp, sybaılas jemqorlyq qylmysy týraly óziniń tikeleı basshylyǵyna jáne ózindik qaýipsizdik basqarmasyna habarlaǵan.

Qazirgi ýaqytta atalǵan fakti boıynsha QR QK-niń 367-babynyń 1-bóligimen (Para berý) boıynsha sotqa deıingi is qozǵalyp, tergeý áreketteri júrgizilip jatyr.