Qazaq Ulttyq Ýnıversıteti  37 mamandyq boıynsha maman daıarlaıtyn joǵary oqý orny jáne ǵylymı-zertteý ortalyǵyna aınaldy. Ýnıversıtet mamandary ishinde 1000-nan astam ǵylym doktory men kandıdaty, 100 den asa akademık, doktory bar.

Ýnıversıtette bilim berý isi Bolon reformasyna sáıkes júrgiziledi, oqytýdyń kredıttik júıesi tolyq kúshine engen, oqý úderisiniń barlyq adam úshin tıimdiligi men ashyqtyǵy , bilim alýshylardyń akademıalyq  saýattylyǵy , «bakalavr – magıstr – PhD» túrinde úsh satyly mamandar daıyndaý qamtamasyz etilgen. Alma materdiń  jańa damý kezeńinde ál–Farabı atyndaǵy Qazaq Ulttyq Ýnıversıtetiniń  jańa akademıalyq saıasaty iske asyryldy, bilim tekserýdiń qýatty korporatıvtik Intranet júıesi jolǵa qoıyldy.

Ýnıversıtetke qyzyǵýshylyq tanytyp,bilim alǵysy  keletin talapkerlerge ashyq esik kúnderi de qarastyrylǵan.Ár fakúltet óziniń talapkerlerine ekskýrsıa ,kórsetilim sharalaryn júrgizedi.

Jastarmen birlesip jetistikke jetý jáne jastarǵa árqashan dem berýdi ýnıversıtet eshqashan umytqan emes.Osyndaı bastamalardyń biri retinde Jastar Uıymdarynyń Komıteti  atalady. Jastar Uıymdarynyń komıtetiniń ishine kóptegen, stýdentter men oqytýshylarǵa oqý prosesin jeńildetý úshin qurylǵan uıymdar kiredi.

Jetistikke tek bilimmen ǵana jetý múmkin emes. Men bul sózben neni jetkizgim keledi? Stýdentterdi jan-jaqty damytý – ýnıversıtet mindeti.

Ál-Farabı atyndaǵy Qazaq Ulttyq Ýnıversıtetine bilim alýǵa kelgen jastar ózderine kerektiń barlyǵyn óz qalashyqtarynda bar ekenin bilgende odan ári qýanarlary anyq.Sonyń biri óz qorynda eki mıllıonnan astam kitap jınaqtaǵan ál-Farabı kitaphanasy.Osyndaı úlken kólemdegi ,ári yńǵaıly daıyndalǵan kitaphana birden bir ózimizdiń Alma materliń maqtanarlyq tusy.

Jas talapkerlerdi qara shańyraqqa shaqyrarda bir múdirmesimiz anyq.Onyń sebebi,bul ýnıversıtettiń qurylymy men júıesi,qurylysy men ornalasýy,qamtyǵan ǵımarattary tolyǵymen stýdentter múddesi úshin.Al ózin ǵylymı zertteý turǵysynan damytamyn deýshilerge zerthanalar esigi árdaıym ashyq.

Toqsanbaeva Nurgúl Qorǵadjanqyzy. psıhologıa ǵylymdarynyń doktory,
Ál-Farabı atyndaǵy QazUÝ-niń jalpy jáne qoldanbaly psıhologıa
kafedrasynyń profesory