Áleýmettik jelilerde jasandy ıntellekttiń damýy, atap aıtqanda GPT chatyn qurý qazirdiń ózinde 35 mıllıon adamnyń jumysynan aıyrylýyna ákeldi degen habar tarady. Alaıda bul jańalyq shyndyqqa janaspaıdy.

Bul jańalyq Aq úıdiń baspasóz hatshysy Karın Jan-Per mıllıondaǵan adamdar jumysynan aıyrylǵanyn aıtqan sekildi etip jasalǵan. Aqparatta Jan-Perdiń fotosy turdy.

Shyn máninde, osy taqyryp boıynsha jelide qajetti zertteý júrgizildi. Alaıda izdeý eshqandaı nátıje bermedi. Bul aqparatqa qatysty eshqandaı resmı málimdeme joq. Biraq dál osyndaı fotosýret Karın Jan-Perge arnalǵan Vıkıpedıa betinde tabyldy. Sýret 2021 jyly 26 mamyrda Aq úıde túsirilgenin bolyp shyqty. Al 2021 jyly GPT chaty jasalmaǵan edi. Onyń pılottyq nusqasy 2022 jyldyń 30 qarashasynda ǵana paıda boldy. Demek, Karın Jan-Per 2021 jyldyń mamyrynda GPT chatyna baılanysty jumystan shyǵarý týraly qandaı da bir málimde jasaýy múmkin emes.

Búgingi tańda sarapshylar bul jasandy ıntellekt keıbir kúndelikti jumys barysynda adamdardy almastyra alady dep boljaıdy. Biraq jappaı jumyssyzdyq týraly eshqandaı boljam jasalmady.

Laýra Nýrskıı Brússeldegi Bruegel taldaý ortalyǵyndaǵy Bolashaq jumys tobynyń ǵylymı qyzmetkeri jáne jetekshisi, Al Jazeera tilshisimen suhbatynda jasandy ıntellekt adamdardy almastyrmaıtyn, tek olardyń jumysyn tolyqtyratyn jáne ony tıimdirek jáne ónimdi etetin senarı bolýy múmkin ekenin aıtty. Jasandy ıntellektti engizý sonymen qatar úlken derekter men mashınalyq oqytýdan aqparattyq qaýipsizdik pen sıfrlyq marketıńke deıingi zamanaýı salalarda jańa jumys oryndaryn qurýǵa qabiletti.

Qorytyndylaıtyn bolsaq, 35 mıllıon adam jasandy ıntellekttiń kinásinen jumysynan aıyryldy degen málimdemeler negizsiz.