Qazaqstandyqtar arasynda jalǵan habarlamalardyń taralýy toqtamaı tur. Osy aıda qyzý talqylanǵan habarlamalar oqyrman nazaryna usynamyz. 

Túrkistan oblysyndaǵy mıtıńke baılanysty vıdeohabarlama jalǵan bolyp shyqty

Jelide 12-13 sáýirge qaraǵan túni Batys Eýropa-Batys Qytaı tas jolynyń boıynda ornalasqan QazMunaıGaz avtojanarmaı quıý stansıasynyń janynda azamattar janarmaı baǵasynyń ósýine baılanysty mıtıńke jınaldy degen beınejazba paıda boldy, dep habarlaıdy Túrkistan oblysy polısıa departamentiniń baspasóz qyzmeti.

"Saıram aýdanynyń quzyretti organdary 13.04.2023 j. oqıǵa ornyna túngi saǵat 04.30 shamasynda polısıa qyzmetkerleri málimetterdiń jalǵan bolyp shyqqanyn anyqtady. Iaǵnı, 12.04.2023 j. avtojolda avtojarys ótti", - dep habarlady aımaq polısıasy.

Qazirgi ýaqytta aýdandyq PB qyzmetkerleri jalǵan aqparat taratqan azamatty anyqtaý maqsatynda tıisti jumystar júrgizip jatqandaryn habarlady.

Sonymen qatar, oblys PD-da jalǵan aqparat taratqany úshin qatań jaýapkershilikke tartý qarastyrylǵanyn eske salyp, tek qana resmı aqparat kózderine ǵana senýdi suraıdy.

Alaıaqtar Ramazan aıyna baılanysty Halyk Bank atynan «syılyq» taratqan

WhatsApp áleýmettik jelisinde alaıaqtar Halyk Bank atynan Ramazanǵa syılyqtar utysyna qatysýǵa shaqyrýmen habarlama jibergen.

Halyk Bank kompanıasynyń resmı saıtynda Ramazanǵa syılyqtar nemese basqa da syıaqylar týraly habarlandyrýlar jarıalanbaǵan. Instagram jáne Facebook áleýmettik jelilerindegi banktiń resmı paraqshalarynda da mundaı eshteńe aıtylmaǵan.

Aqparattyq búlletenniń ózi fıshıngtik sqemanyń barlyq belgilerine ıe: ol paıdalanýshylarǵa belgili bir habarlandyrý jiberedi jáne belgisiz ári qaýipti dep tanylǵan saıtqa ákeledi. Buryn biz osyndaı sqemalardyń qaýipi týraly aıtqan bolatynbyz.

Internettegi alaıaqtyqtyń bul túri fıshıng dep atalady. Óz saıttarynyń kómegimen alaıaqtar mobıldi bankıngten, jeke shottardan jáne basqalardan logın men parólder sıaqty paıdalanýshylardyń jeke aqparatyna qol jetkize alady.

"Nazarbaev Zıatkerlik mektebi" emtıhandarǵa qatysty materıaldardy satý týraly aqparatty teriske shyǵardy

"Nazarbaev Zıatkerlik mektepteri" basqarma tóraǵasy Ánýar Janǵozın mektep túlekteri tapsyratyn emtıhandarǵa materıaldardy satý týraly aqparatty joqqa shyǵardy.

"Sońǵy ýaqytta áleýmettik jeliler men messendjerlerde "Nazarbaev Zıatkerlik mektepteri" DBBU túlekteri tapsyratyn emtıhandarǵa materıaldardy satý týraly aqparat taratylýda. Bul aqparat shyndyqqa sáıkes kelmeıdi. Bizdiń mektepterde oqýshylardy baǵalaý rásimderin ótkizýge arnalǵan kez kelgen emtıhan materıaldary halyqaralyq standarttarǵa sáıkes ázirlenedi. Olardy ázirleý kezinde qupıalylyq pen qaýipsizdik sharalary saqtalady", - dep jazdy Ánýar Janǵozın óziniń Instagram áleýmettik jelisindegi resmı paraqshasynda.

Ánýar Janǵozın azamattardy arandatýshylyqqa boı aldyrmaýǵa shaqyrdy jáne alaıaqtyqtyń kez kelgen túri toqtatylatynyn aıtty.

"Biz oqýshylarymyzdy oqytýda adaldyq pen ashyqtyqtyń qatań prınsıpterin ustanamyz jáne alaıaqtyqtyń kez kelgen túrin, sonyń ishinde emtıhan materıaldaryn satýdy múldem quptamaımyz. Mundaı is-áreketter bizdiń erejelerimizdi eleýli buzý retinde qarastyrylady jáne oqý ornynan dereý shyǵarylýǵa nemese bosatylýǵa jáne keıinnen zańnamalyq deńgeıde jaýapkershilikke tartýǵa ákelýi múmkin", - dep qorytyndylady Ánýar Janǵozın.

300 myń teńge zeınetaqy beriletini jóninde feık habarlama tarady

YouTube paıdalanýshylary arasynda 200-300 myń teńge zeınetaqy, járdemaqy jáne ústemeaqy alý múmkindigi týraly jalǵan aqparat taratylýda. Ol úshin alaıaqtar ózderi kórsetken saıtqa kirip, jeke derekterin qaldyrýdy suraıdy, dep habarlaıdy Qamshy.kz aqparat agenttigi.

Beınerolıkte "dúısenbiden" bastap zeınetkerler, az qamtylǵandar jáne azamattardyń basqa da sanattary 300 myń teńge kóleminde arnaıy járdemaqy alatyny, al olardyń keıbireýleri 200 myń ústemeaqy beriletini aıtylǵan. Alaıda bul habarlama – jalǵan.

Taratylatyn rolıkte jergilikti telearnalardyń biriniń jańalyqtar shyǵarylymynan úzindi berilgen. Biraq úzindi vıdeodaǵy daýys basqasha. Júrgizýshiniń naǵyz daýysy men mátini úlken járdemaqylar týraly áńgimeleıtin basqa daýyspen aýystyrylǵany anyqtaldy.

Mundaı mazmundaǵy jańalyqtar QR Eńbek jáne halyqty áleýmettik qorǵaý mınıstrliginiń resmı saıtynda da joq. Sonymen qatar, habarlandyrý mátininiń ózi kúmán týdyrady. Birinshiden, "osy dúısenbiden bastap" degen sózde eshqandaı naqtylyq joq ári senimsiz kórinedi. Dıktor naqty kúndi atamaǵan, demek, bul aqparattyń jalǵan bolý yqtımaldylyǵyn arttyrady.

Ekinshiden, jańa, ulǵaıtylǵan tólem taǵaıyndalǵan azamattardyń sanattaryn tizimdeı otyryp, zeınetkerlerdi, kedeılerdi tizimdep shyqqan. Bul tujyrym dál emes ári azamattardyń jańylysýyna sebep bolady.

Bul jarnamalyq beıneniń maqsaty – kórermenniń mazmuny qandaı da bir tólemderge qatysy joq úshinshi tarap saıtyna ótkizý.