Telegram jelisinde adamdardyń kópqabatty úılerde turýǵa bolmaıtyny týraly vıdeo taralýda. Vıdeoda mundaı turǵyn úı adamdar úshin qalypty bolmaǵandyqtan, DNQ-da kóptegen mýtasıalardy týdyratyny jaıly aıtylǵan. Alaıdy bul – jalǵan aqparat.

Beınejazba avtory 1944 jyly bes qabatty úılerde turýdyń qaýibin dáleldegen aýqymdy zertteý júrgizilgenin aıtady. Onyń habarlaýynsha, páterde ósken balanyń DNK sy týǵannan bastapjúzdegen mýtasıaǵa ushyraıdy degen boljam bar. Bul múldem dáleldenbegen aqparat. 1944 jyly álemde Ekinshi dúnıejúzilik soǵys júrip jatqanyn eskersek, mundaı zertteýdiń júrgizilý yqtımaldylyǵy tómen. Ári zertteý týraly eshqandaı dálel joq.

Onyń ústine, 1944 jyly ǵalymdar kópqabatty úılerde turý qaýipti ekenin dáleldese, 1950 jyldary búkil Keńes Odaǵynda Hrýshevter bastaǵan aýqymdy qurylys jumystary bastalmas edi.

Ol kezeńde tórt-bes qabatty, páterleri shaǵyn, ǵımarattardyń syrty árlenbegen kópqabatty úıler salyndy. Mundaı úılerdi arzanǵa ári tez salýǵa bolatyn edń. Bul aýyldan qalaǵa jappaı kóshken adamdardy baspanamen qamtamasyz etýge múmkindik berdi.

Beınejazbada qaladaǵy kópqabatty úılerde tek úsh urpaq aýysýy múmkin, al úshinshi urpaq jasandy túrde oılastyrylatyn bolady degen teorıany aıtady. Bul obektıvti shyndyqqa qaıshy keledi.

Óıtkeni, alǵashqy kópqabatty turǵyn úıler «ınsýla» dep atalyp, ejelgi Rımde salynǵan. Dúkender men kafeler kóbinese birinshi qabattarda ornalassa, joǵarǵy qabattarda jumysshy tabynyń ókilderi turdy. Keıbir derekterge súıensek, bizdiń zamanymyzdyń 315 jylynyń ózinde Rımde 44 850 ınsýl bolǵan.

Sodan beri 1700 jyldan astam ýaqyt ótti. Urpaqtar teorıasy boıynsha olar 20 jyl saıyn birin-biri aýystyrady. Iaǵnı, ejelgi Rımdegi ınsýl dáýirinen beri shamamen 85 urpaq aýysty.

Demek beınebaıan avtorynyń teorıasynyń jalǵan aqparat.

Kópqabatty úılerde turý adamnyń DNQ-syn ózgertetinine eshqandaı ǵylymı dálel joq. Qaladaǵy kópqabatty úılerde turyp, adamdardyń urpaq jalǵastyrý qabiletin joǵaltýy shyndyqqa qaıshy aqparat.