«Qazaqstan astanasyn Túrkistanǵa aýystyratyn bolady»

WhatsApp áleýmettik jelisinde Qazaqstan astanasyn Túrkistanǵa kóshirý týraly beınerolık taralyp jatyr. Vıdeorolıkte prezıdent Qasym-Jomart Toqaev osyndaı ıdeıa usynyp, al parlament depýtattary ony biraýyzdan qoldaǵany kórsetilgen. Sondaı-aq vıdeodaǵy aqparatta astanany aýystyrý resmı túrde 2024 jyldyń qańtarynda jarıalanatyny kórsetilgen.

Munyń bári jalǵan. QR prezıdentiniń resmı saıtynda elordany Túrkistanǵa kóshirý týraly aqparat joq. Sondaı-aq, Parlamenttiń saıtynda astanany kóshirý týraly vıdeoda kórsetilgendeı "tarıhı sheshim", "qyzý talqylaý" jáne "biraýyzdan daýys berý" týraly habarlamalar joq.

Elordany Astanadan Túrkistanǵa kóshirý týraly qaýeset kópten beri aıtylyp keledi. Alaıda, 2020 jyly QR tuńǵysh prezıdenti Nursultan Nazarbaev mundaı aqparattardyń múldem negizsiz ekenin jáne mundaı sheshim qabyldanbaǵanyn aıtqan bolatyn.

Eske salsaq, 2022 jyly Qazaqstan astanasyn Túrkistanǵa emes, Qostanaıǵa kóshirý týraly habarlama taraǵan edi. Bul da jalǵan bolyp shyqty.

«Jańaózennen Astanaǵa keletinder úshin arnaıyn vıza ashtyrady»

Áleýmettik jeliler men messendjerlerde elordaǵa Jańaózennen jáne "basqa da narazylyq qalalarynan" kelgen adamdarǵa vıza alýǵa týra keletini týraly habarlama taratylady. Bul – jalǵan aqparat.

Atalǵan habarlamany Astana qalasynyń ákimdigi joqqa shyǵardy.

"Jelide elordada Qazaqstannyń narazylyq bildirgen qalalarynyń turǵyndary úshin vızalyq rejım engiziletini týraly jalǵan habarlama taratylýda. Astana ákimdigi bul aqparattyń shyndyqqa janaspaıtynyn habarlaıdy. Esterińizge sala keteıik, jalǵan málimetterdi taratý QR zańnamasyna sáıkes jaýapkershilikke ákelip soǵady", — delingen Astana ákimdiginiń habarlamasynda.

Sondaı-aq, taratylatyn habarlamanyń kózi Qaznews24 satıralyq Instagram akkaýnty bolyp tabylatynyn atap ótemiz. Profıldegi paraqshada naqty jańalyqtar emes, oıdan shyǵarylǵan jańalyqtar jarıalanady delingen.

«Jańaózende 2025 jylǵa deıin karantınde bolady»

Áleýmettik jeliler men messendjerlerde Jańaózen qalasy 2025 jylǵa deıin karantındik aımaq bolyp jarıalanǵany týraly aqparat taratyldy. Budan bylaı adamdarǵa kirý úshin arnaıy ruqsat qajet bolady. Bul da jalǵan habarlama ekeni belgili boldy.

Bul jazbanyń derekkózi – Qaznews24 satıralyq Instagram akkaýnty. Bul paraqshada tek oıdan shyǵarylǵan jańalyqtar jarıalanady. Shynaıy habarlamalar joq.

Mańǵystaý oblysy ákimdiginiń resmı saıtynda Jańaózen aýmaǵynda karantındik shekteýler engizý týraly aqparat joq. Jergilikti buqaralyq aqparat quraldarynda da buǵan qatysty resmı aqparat jarıalanbaǵan. Sol sebepti mundaı aqparattardyń negizsiz ekenin, senýge bolmaıtynyn habarlaımyz.

WhatsApp-ta 26 sáýirden 10 mamyrǵa deıin qazaqstandyqtar ınternetke kirýden aıyrylatyny týraly habarlama taratylady. Bul – jalǵan aqparat.

Internet jelisin ajyratý týraly habar Pavlodar oblysynda paıda boldy. Sodan keıin ol vırýstyq sıpatqa ıe bolyp, áleýmettik jelige tarap ketti. Óńirdi sıfrlandyrý basqarmasynda atalǵan aqparat teriske shyǵaryldy.

"Bul aqparat shyndyqqa janaspaıdy. 2023 jylǵy 24 sáýirdegi jaǵdaı boıynsha barlyq baılanys operatorlarynyń aqparattyq-telekommýnıkasıalyq ınfraqurylymy shtattyq rejımde jumys isteıdi. Sizden senimdi kózderden alynǵan aqparatqa senýińizdi jáne feıkterdi taratpaýyńyzdy suraımyz", - delingen habarlamada.

Budan shyǵatyny, taratylatyn habarlamaǵa senýdiń qajeti joq. Qazaqstanda 26 sáýirden 10 mamyrǵa deıin ınternet jelisin óshirilmeıdi.