Elimizde aqyly mektepterde bilim alýǵa ata-analar tóleıtin tólemaqy mólsheri 2 esege qysqartylmaq.

«Orta bilim berýge memlekettik bilim berý tapsyrysyn alatyn jáne mynalardy: respýblıkalyq búdjet týraly zańda belgilengen aılyq eseptik kórsetkishtiń 600 eselengen mólsherinde jáne tıisti qarjy jylynyń 1 qańtaryna qoldanysta bolatyn bastaýysh, negizgi orta jáne jalpy orta bilimniń jalpy bilim beretin oqý baǵdarlamalaryn; respýblıkalyq búdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn aılyq eseptik kórsetkishtiń 1 200 eselengen mólsherinde Halyqaralyq bakalavrıat uıymynda avtorlandyrýdan nemese halyqaralyq ınstıtýsıonaldyq akredıtteýden ótken derbes ázirlengen ıntegrasıalanǵan bilim berý baǵdarlamalaryn iske asyratyn jekemenshik orta bilim berý uıymdaryndaǵy oqýǵa ata-ana tólemaqysynyń shekti mólsheri bekitilsin», - delingen ashyq NQA portalynda jarıalanǵan Oqý-aǵartý mıınstri buıryǵynyń jobasynda.

Memlekettik bilim berý tapsyrysyn alatyn jekemenshik orta bilim berý uıymdaryndaǵy oqýǵa ata-ana tólemaqysynyń shekti mólsherine bilim alýshylardyń turý (ınternattyq uıymdar), olardy jekemenshik orta bilim berý uıymyna jetkizý jáne (nemese) keri qaraı tasymaldaý, memlekettik jalpyǵa mindetti bilim berý standarttarynan tys qosymsha bilim berý qyzmetteri men bilim berý, sondaı-aq erikti túrde júzege asyrylatyn bilim alýshylardyń tamaqtanýy úshin tólemaqy qosylmaıdy.

Aıta keteıik, buǵan deıin bastaýysh, negizgi orta jáne jalpy orta bilim beretin jekemenshik uıymdardaǵa ata-analardyń tólemaqysy 1 200 AEK-ti, al Halyqaralyq bakalavrıat uıymynda avtorlandyrýdan nemese halyqaralyq ınstıtýsıonaldyq akredıtteýden ótken derbes ázirlengen ıntegrasıalanǵan bilim berý baǵdarlamalaryn iske asyratyn jekemenshik uıymdarynda 2 400 AEK-ti quraǵan bolatyn.

Elimizde 1 AEK 3 450 teńgeni quraıdy.