Jetisý oblysynyń bilim berý salasynda jymqyrylǵan qarjy kólemi 4,4 mlrd teńgege jetti. Bul týraly Sybaılas jemqorlyqqa qarsy is-qımyl agenttigi málimdedi.
Vedomstvo qyzmetkerleri Taldyqorǵan qalasy bilim berý bólimi basshysynyń urlyqqa kóz juma qaraǵany úshin 280 mln teńge kóleminde para alǵanyn anyqtaǵan. Al mekeme esepshisinen 1 mlrd teńge tárkilendi.
Al Aqtóbe oblysynda revızıalyq komısıasynyń memlekettik aýdıtory 500 myń teńge aqsha alǵany úshin 15 mln teńge aıyppul arqalaǵan.
Qazir bilim berý salasynda jemqorlyq boıynsha 100-den astam qylmystyq is tirkelgen. Urlanǵan qarjynyń kólemi 8 mlrd teńgege deıin jetedi.
Pikir qaldyrý