Semeıde Qańtar oqıǵasy kezinde ızolátorda qaza bolǵan azamattyń ólimine baılanysty polısıa qyzmetkerine úkim shyqty.

2 tamyzda Semeı qalasynyń №2 soty Qańtar oqıǵasy kezinde ýaqytsha qamaý ızolátorynda qaza bolǵan Eldos Qalıevtiń ólimine baılanysty aıypty dep tanylǵan polısıa qyzmetkeri 6 jylǵa sottaldy. 

Semeı qalalyq polısıa basqarmasynyń qylmystyq polısıa bóliminiń jedel ýákili Aıdyn Azanbaev jazasyn qaýipsizdigi ortasha mekemede óteıdi. Bul týraly "Vlast saıtyna silteme jasap, Azattyq radıosy habarlady. 

Azamattyq belsendi jáne quqyq qorǵaýshy Álıa Isenovanyń habarlaýynsha, polısıa qyzmetkeri Azanbaev marqum Qalıevtiń jaqyndaryna 9 mln teńge ótemaqy tóleýge tıis.

Aıdyn Azanbaevqa "Azaptaý" jáne "Bılik ókiletin asyra paıdalaný" baptary boıynsha aıyp taǵylǵan. Tergeý organdarynyń habarlaýynsha, ol "anyqtalmaǵan adamdarmen" Eldos Qalıevti azaptaǵan.