Almaty qalasy Aqkent shaǵyn aýdanyndaǵy kópqabatty úıde bolǵan órtten zardap shekkenderdiń ishinde eki eresek adam men bir bala jansaqtaý bóliminde jatyr, dep habarlaıdy qalalyq qoǵamdyq densaýlyq saqtaý basqarmasy.
Búgin Almaty qalalyq qoǵamdyq densaýlyq saqtaý departamenti basshysynyń mindetin atqarýshy Nazgúl Imanǵalıeva Alataý aýdany Aqkent yqsham aýdany 54-úıdegi órtten zardap shekkender túsken aýrýhanalardy aralady.
Onyń aıtýynsha, órtten barlyǵy 49 adam zardap shekken, olardyń 17-si aýrýhanaǵa jatqyzyldy: eki eresek adam jáne 15 bala. Medısınalyq kómek kórsetilgennen keıin qalǵany aýrýhanaǵa jatýdan bas tartty. 17 eresek adam men 14 bala turǵylyqty jeri boıynsha emhanaǵa ambýlatorıalyq emdelýge jiberildi.
Aýrýhanaǵa jatqyzylǵan eresekterdiń ekeýi de jansaqtaý bóliminde jatyr. Bireýi –35 jastaǵy áıel. Ol bıikten qulap, kóptegen jaraqat alǵan, ıis tıgen. Ekinshisi - aýyr bas-mı jaraqatyn alǵan 19 jastaǵy qyz.
Jansaqtaý bóliminde jatqan balanyń jaǵdaıy turaqty.
Órt kezinde qaza tapqan jalǵyz adam da qulaý kezinde alǵan birneshe jaraqattaryn tirkedi. 1992 jyly týǵan bir áıel alǵan aýyr jaraqattarynanan qaıtys boldy.
Pikir qaldyrý