3 tamyz kúni atmosferalyq frontaldy bólikterdiń ótýimen elimizdiń basym bóliginde jańbyr jaýyp, naızaǵaı oınaıdy. Ońtústikte – jaýyn-shashynsyz, soltústikte túnde jáne tańerteń tuman kútiledi, shyǵysta kúndiz burshaq jaýýy yqtımal. Respýblıka boıynsha ekpindi jel turady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, kúndiz Almaty, Jambyl, Túrkistan, Atyraý, Mańǵystaý, Batys Qazaqstan, Jetisý, Ulytaý oblystarynda, Abaı, Aqtóbe, Qaraǵandy oblystarynyń ońtústiginde 35-40°S qatty ystyq kútiledi.

Kúndiz Almaty oblysynda 40-42°S ótte qatty ystyq bolady.

Aqmola, Soltústik Qazaqstan oblystarynda, Batys Qazaqstan oblysynyń ońtústigi men ortalyǵynda, Atyraý oblysynyń soltústiginde órt tutanýdyń joǵary qaýpi saqtalady.

Mańǵystaý, Túrkistan, Almaty, Jambyl, Shyǵys Qazaqstan, Qaraǵandy, Qyzylorda, Ulytaý, Jetisý, Abaı oblystarynda, Qostanaı, Aqtobe oblystarynyń ońtústiginde, Atyraý oblysynyń batysy men shyǵysynda, Pavlodar oblysynyń ontústigi men shyǵysynda, Aqmola oblysynyń ońtústigi men batysynda, Batys Qazaqstan oblysynyń batysynda, soltústik-batysy men soltústik-shyǵysynda órt tutanýdyń asa joǵary qaýpi kútiledi.