Samara-SHymkent tasjolynyń Qobda aýdany aýmaǵynda bolǵan jol apatynan soń qamaýǵa alynǵan júrgizýshi sot aldynda jaýap beredi. Qylmystyq is sotqa tústi. Aqtóbe oblystyq sotynyń baspasóz qyzmetiniń habarlaýynsha, 4 muǵalimniń ólimine ákep soqqan jol-kólik apatyna qatysty is sotqa tústi.

"Qylmystyq kodekstiń "Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy" baby boıynsha aıyp taǵylǵan júrgizýshi qazir qamaýda otyr. Sot Qobda aýdandyq sotynda qaralady. Sot aldy tyńdaý ýaqyty taıaý kúnderi belgili bolady. İs sotqa tústi",- dep habarlady oblystyq sottyń baspasóz qyzmeti.

Eger júrgizýshiniń kinási dáleldense, ol 5 jyldan 12 jylǵa deıingi merzimge bas bostandyǵynan aıyrylýy múmkin.

Eske salsaq, 1-maýsym kúni jeńil kólik aldynda kele jatqan júk kóligine soqtyǵysty. Apat saldarynan «Lada Largýs» avtokóliginiń úsh jolaýshysy oqıǵa ornynda qaıtys boldy. Bireýi aýrýhanada kóz jumdy. Keıin olardyń oraldyq muǵalimder ekeni belgili boldy. Bári Aqtóbe qalasyna dıplom alý úshin jolǵa shyqqan. Keıin qaza bolǵan pedagogtardyń qandaı qyzmette bolǵany aıtyldy. Olar: Oral qalasyndaǵy №47 mekteptiń pedagog-defektology, Báıterek aýdany Novenkıı mektebiniń defektology, Kaztalov aýdany K.Meńdálıev atyndaǵy mekteptiń logopedi, Oral qalasy psıhologıalyq-pedagogıkalyq túzeý kabınetiniń sýrdopedagogy.