Janel Shahan 2023 jyldyń 16 jeltoqsan kúni 1986 jylǵy Jeltoqsan men 2011 jylǵy Jańaózen qurbandaryn eske alý aksıasyna shyqqany úshin 15 táýlikke sottaldy. Bul týraly Oyan Qazaqstan qozǵalysy áleýmettik jelidegi paraqshasynda habarlady. 

Belsendi Jánel Shahan 25 jeltoqsanda da shaqyrtý alǵan. Alaıda densaýlyq jaǵdaıyna baılanysty polısıa bólimshesine bara almaǵan.

"16 jeltoqsan kúni meniń ústime japsyrylǵan stıkerlerde osyndaı sózder bolǵandyqtan, búgingi tańda meni 15 táýlikke jala jaýyp, qamap, bostandyǵyma qaýip keltirip jatyr. Eger men, Qazaqstan azamatshasy, óz elimde, óz qalamda, «meıram kúni» (bılik aıtqandaı) Respýblıka alańyna shyǵa almasam, sol jerde turyp, óz pikirimdi bir-eki aýyz sózben bildire almasam, bul neni bildiredi? Bul degenimiz meniń erkin tynys alyp, erkin ómir súre almaıtynymdy bildiredi. Al erkindik – ár adam boıyndaǵy eń mańyzdy qasıet", deıdi Janel Shahan. 

Eske salsaq, buǵan deıin Oyan, Qazaqstan qozǵalysynnyń belsendileri Ravkat Muhtarov pen Bota Sháripjandy 16 jeltoqsandaǵy aksıaǵa qatysqany úshin 15 táýlikke qamaǵan edi.