"Halyqaralyq qylmystyq sot tóraıymy laýazymyna áriptes-sýdálardyń meni tańdaýy — men úshin zor mártebe. Sot úshin osyndaı almaǵaıyp kezeńde turaqty, yntymaqtastyqqa negizdelgen jáne birtutas basshylyq kerek", – dedi Akane.

Ol sot organdary arasyndaǵy dıalogty damytýǵa, HQS-ǵa qatysýshy elder jáne Rım statýtyna qol qoımaǵan memlekettermen dıalogty nyǵaıtýǵa nazar aýdarýdy josparlap otyrǵanyn málimdedi.

Apta basynda Tomoko Akaneniń (Japonıa) orynbasarlary — Rozarıo Aıtala (Italıa) men Reın Alapını-Gansý (Benın) saılandy.

Aıta ketsek, 2023 jyly naýryz aıynda HQS Reseı prezıdenti Vladımır Pýtın men Reseıdiń bala quqyqtary jónindegi ýákiletti ókili Marıa Lvova-Belovany tutqyndaýǵa pármen bergen. Halyqaralyq qylmystyq sot ekeýin Ýkraınanyń okýpasıalanǵan aımaǵynan halyqty, sonyń ishinde balalardy kúshtep kóshirip, áskerı qylmys jasady dep aıyptaǵan. Artynsha  Reseı tergeý komıteti order bergen prokýror men HQS-nyń úsh sýdıasyna qarsy qylmystyq is qozǵaǵan. Qol qoıǵan sýdıalardyń qatarynda Tomoko Akane men Rozarıo Aıtala  bolǵan. 

Artynsha Reseı tergeý komıteti Rozarıo Aıtalaǵa "kinásiz ekendigin bile tura, adamdy qylmystyq jaýapkershilikke tartý" jáne "prezıdentke shabýyldaýǵa daıyndalý" baptary boıynsha syrttaı aıyp taqqan. Keıin HQS prokýrory oǵan izdeý jarıalaǵan.