13 naýryz kúni Almaty qalasy, Medeý aýdany №53 mektep-gımnazıasynda "Birtutas tárbıe" baǵdarlamasy aıasynda “HALYQ DÁSTÚRİ-ASYL QAZYNA” taqyrybyndaǵy tárbıelik is-shara úsh bólimge bólinip ótkizildi.

Bilim ordamyzda erekshe qonaq, elimizdegi kóptegen jaqsy jańalyqtardyń jarshysy «Alǵa Peterbýrg!» arnasynyń negizin qalaýshy, bloger  – Ivan Chervınskıı.

Joǵary býyn oqýshylary men ustazdarynyń uıymdastyrýymen ulttyq muraǵa uqypty qaraý, ulttyq mádenıetti dáripteý maqsatynda "Ozar eldiń qyzy minezdi, uly ónerli"  taqyrybynda birinshi bólim kórsetilip, halqymyzdyń bıi men kúıi, aıtys óneri, qyzdardyń shash órýinen kórinis tamashalandy.

 5-7 synyp oqýshylarymen synyp jetekshileri "Týǵanda dúnıe esigin ashady óleń..." taqyrybynda tárbıe saǵatyn ótkizdi. Bul is- sharada halqymyzdyń  umyt bolyp bara jatqan salt-dástúrlerin, atap aıtsaq: súıinshi suraý, at qoıý , bata berý, jarapazan aıtý, besikke salý, tusaý kesý dástúrleri kórsetildi.

Bastaýysh synyp oqýshylary men ustazdarynyń qatysýymen "Ulttyq salt-dástúr-urpaqqa mura" atty tárbıe saǵatyn ótkizdi. Bul is-sharanyń ereksheligi,  «Danalyq» mektebiniń ókilderi belsendilik tanytýymen órbip, atalar er balalarǵa at ábzelderin tanystyrsa, ájeler qyzdarmen urshyq ıirý, oıý oıyp, keste tigý  ónerleriniń qyr-syrymen bólisti.

Óskeleń urpaqqa tárbıelik máni mańyzdy «Halyq dástúri-asyl qazyna» is - sharasy  joǵary deńgeıde ótkizilip, kelgen qonaqtar oń yqylastaryn bildirdi.