Memleket basshysy bilim granttaryn saralaýdy engizýdi tapsyrǵan edi. Bul ıdeıaǵa sáıkes, grant oqýdyń barlyq qunyn jabýǵa mindetti emes, biraq UBT nátıjelerine jáne bilim alýshynyń basqa kórsetkishterine baılanysty osy shyǵyndardyń 30 paıyzyn óteı alady. Sondyqtan qaýlynyń jańa redaksıasynda 100 paıyz grantpen oqymaıtyndarǵa shákirtaqy tóleý usynylyp otyr.

Qazir shákirtaqy barlyq stýdentke birdeı beriledi. Endi 2024 jyldan bastap oqý úlgerimi úzdik stýdentterge shákirtaqyny ulǵaıtý jáne bonýstar belgileý usynyldy.

Bakalavrlar úshin – aıyna 41 898 teńgeden 47 135 teńgege deıin, úzdik stýdentter úshin – 54 205 teńgege deıin;

Bolashaq muǵalimderge 67 200 teńgeden 75 600 teńgege deıin, oqý ozattaryna – 86 940 teńgege deıin;

Magıstranttar úshin – 97 024 teńgeden 107 061 teńgege deıin, oqý úzdigi úshin – 123 120 teńgege deıin;

Doktoranttar – 217 500 teńgeden 240 000 teńgege deıin.

Nazarbaev ýnıversıtetiniń stýdentteri men bolashaq dárigerler ulǵaıtylǵan shákirtaqyny ala almaıdy.