Qazaqstan Prezıdenti Qasym-Jomart Toqaev Qytaı úkimetine 1,5 myń aqbóken (kıik) berý týraly sheshim qabyldaǵanyn málimdedi. Bul bastama Qytaıdyń batys óńirinde aqbókenderdi jersindirý jáne olardyń popýlásıasyn qalpyna keltirýge baǵyttalǵan.
Aqorda taratqan aqparatqa sáıkes, Qytaı Halyq Respýblıkasynyń Tóraǵasy Sı Szınpın Qazaqstan tarapyna rızashylyǵyn bildirip, Qytaıda aqbókender sanyn arttyrý úshin júıeli sharalar qolǵa alynatynyn atap ótti.
Buǵan deıin Qasym-Jomart Toqaev Astana áýejaıynda QHR Tóraǵasyn resmı túrde qarsy alǵan bolatyn. Qurmet kórsetý rásiminde balalar qonaqty qazaq jáne qytaı tilderinde qarsy aldy.
Kelissózder barysynda Prezıdent Toqaev Qytaı halqy qazaq halqyna esh zıan keltirmegenin atap ótti. Óz kezeginde Sı Szınpın kórsetilgen syı-qurmetke alǵysyn bildirdi.
Eki el basshylarynyń kelissózi nátıjesinde 24 úkimetaralyq jáne vedomstvoaralyq qujatqa qol qoıyldy. Atap aıtqanda, Qazaqstan men Qytaı tabıǵı apattar, sonyń ishinde jer silkinisine qarsy birlesip áreket etýge ýaǵdalasty.
