«Otbasy banktiń» táýelsiz dırektory alaıaqtarǵa aldandy: qomaqty qarjysynan aıyryldy

/uploads/thumbnail/20250617114939074_big.webp

«Otbasy bank» dırektorlar keńesiniń táýelsiz múshesi Elmıra Ermekova telefon alaıaqtarynyń arbaýyna túsip, depozıtindegi aqshasyn óz qolymen beıtanys adamdarǵa berip jibergen. Jýrnalıs Mıhaıl Kozachkovtyń jazýynsha, Ermekovaǵa ózin bank tóraıymy Lázzat Ibragımova dep tanystyrǵan adam habarlama jiberip, artynsha «arnaıy qyzmet» atynan er adam beıneqońyraý shalyp, qaýip tónip turǵanyn aıtyp sendirgen.

Alaıaqtar memlekettik organ keńsesindegideı kórinis jasap (eltańba men prezıdent portreti bar keńse fony), Ermekovany aldap soqqan. Olardyń biri ózin Ulttyq bank qyzmetkerimin dep tanystyryp, jalǵan kýálik te joldaǵan.

Nátıjesinde, Ermekova bir banktegi depozıttegi aqshasyn sheship alyp, belgilengen adamǵa – «Barakýda» kod sózin aıtqan jigitke paketpen tabystaǵan. Ekinshi banktegi depozıtin de sheshpek bolǵanda, bank qyzmetkerleri kúdiktenip, ony toqtatqan.

Sońynda Ermekova polısıaǵa júginip, kúdiktiler qolǵa tústi. 21 jastaǵy Ahmad Muhıdınuly men 31 jastaǵy Dastan Bekbotaev alaıaqtyq jasaǵany úshin kináli dep tanylyp, 5 jylǵa bas bostandyǵynan aıyryldy. Alaıda shetelden áreket etken negizgi uıymdastyrýshylar tabylǵan joq.

Qatysty tegter :

Qatysty Maqalalar