Atyraý qalasynyń blogeri Instagram paraqshasynda Memleket basshysy Qasym-Jomart Toqaevqa baǵyttalǵan beıádep sózder aıtylǵan vıdeony jarıalaǵan. Beınerolıkte ol Prezıdentti balaǵattap, "el halqy jertólede ómir súrip jatyr" degen málimdeme jasaǵan. Vıdeo áleýmettik jelide qyzý pikirtalas týdyrdy. Jeli qoldanýshylarynyń basym bóligi blogerdiń áreketin orynsyz ári dóreki dep baǵalady.

Atalǵan fakti boıynsha 12 maýsym kúni sot blogerge qatysty Ákimshilik quqyq buzýshylyq týraly kodekstiń 434-baby 1-bóligi — "Usaq buzaqylyq" baby boıynsha isti qarady. İs materıaldaryna sáıkes, beınejazba qoǵamdyq tártipti buzyp, aınaladaǵylarǵa ashyq túrde qurmetsizdik bildiredi.

— Sot quqyq buzýshyny kináli dep tanydy. Sot otyrysy barysynda ol óz áreketine ókinish bildirip, bul jeńildetetin mán-jaı retinde eskerildi. Alaıda quqyq buzýshylyqtyń sıpaty men onyń qoǵamdyq qaýiptilik deńgeıin eskere otyryp, sot oǵan 15 táýlikke ákimshilik qamaý jazasyn taǵaıyndady, — dep habarlady oblystyq sottyń baspasóz qyzmeti.