Túrkıada demalyp júrgen Sheshenstan prezıdenti Ramzan Qadyrovtyń aýrýhanaǵa jatqyzylǵany habarlandy. Bul týraly túrkıalyq BAQ habarlady.
Bodrýmdaǵy qonaq úılerdiń birinde demalyp júrgen Ramzan Qadyrov sýǵa túsip júrgende densaýlyǵy kúrt nasharlaǵan. Sol mańdaǵy kúzet qyzmetkerleri jedel járdem shaqyryp, alǵashqy kómek kórsetken.
Sheshenstan prezıdentin jedel járdem arqyly aýrýhanaǵa jetkizgen. Túrkıalyq BAQ-tyń habarlaýynsha Ramzan Qadyrovtyń qazirgi jaǵdaı jaqsy, ol dárigerlerdiń baqylaýynda.
Ramzan Qydyrovtyń densaýlyǵy nasharlaǵany týraly buǵan deıin aıtylyp keldi. Sondaı-aq ol óziniń prezıdenttik orynǵa uldarynyń birin daıyndap jatyr degen aqparat taraǵan edi.
