Qonaev qalasynda uly oıshyl, kemeńger aqyn Abaı Qunanbaıulynyń rýhyna taǵzym etilip, eskertkishine gúl shoqtary qoıyldy. Rásimge Qonaev qalasynyń ákimi Asqat Berdihanov, aqyn-jazýshylar, ardagerler, zıaly qaýym ókilderi men qala turǵyndary qatysty. Bıyl Abaıdyń 180 jyldyǵyna oraı Almaty oblysynda 300-den astam mádenı-aǵartýshylyq is-shara josparlanyp, onyń 47-si oblystyq jáne aýdandyq deńgeıde uıymdastyryldy.

Abaı kúnin atap ótý aıasynda Qonaev qalasynan bastap Qarasaı, İle, Talǵar, Kegen jáne ózge de aýdandarda ádebı keshter, kórmeler, Abaı oqýlary, dárister, fılm kórsetilimderi men shyǵarmashylyq kezdesýler ótti. Memlekettik arhıvtegi «Abaı álemi» dóńgelek ústeli, oblystyq kitaphanadaǵy «Sóz ben sazdyń súleıi – Abaı» keshi, Kegendegi «Abaı ánderi» fılminiń kórsetilimi, Qarasaıdaǵy «Abaı murasy – máńgilik qazyna» sharasy, Jańalyq aýylyndaǵy Aqylbaıǵa arnalǵan kórme – sonyń bir bóligi. İle, Talǵar aýdandarynda da aqyn murasyn dáriptegen ádebı-tanymdyq sharalar uıymdastyryldy. Osy jumystardyń barlyǵy Abaıdy eske alýmen ǵana shektelmeı, onyń bilimge, eńbekke, adamgershilikke úndegen oılaryn jas urpaqqa jetkizýge baǵyttaldy.

Abaı murasy – ýaqyt ótken saıyn máni arta túsetin rýhanı qazyna. Sondyqtan ony ulyqtaý – bir kúndik shara emes, ulttyń rýhanı sabaqtastyǵyn jalǵastyratyn ortaq mindet. Abaıdy oqý – ózińdi taný. Abaıdy ardaqtaý – ultty ulyqtaý.