قاراعاندى وبلىسى ءىىد شاحتينسك قالاسىندا تۇراتىن سوعىس ارداگەرىن ءولتىردى دەگەن كۇدىكپەن ءۇش ازاماتتىڭ ۇستالعانىن حابارلادى.
«12 اقپان كۇنى وبلىستىق ءىىد كريمينالدى پوليسياسىنىڭ جانە شاحتينسك قالاسى ءىىب قىزمەتكەروەرىنىڭ جەدەل ىزدەستىرۋ جۇمىستارى ناتيجەسىندە اۋىر قىلمىس جاسادى دەگەن كۇدىكپەن وبلىستىڭ ءۇش تۇرعىنى ۇستالدى. ولاردىڭ ەكەۋى شاحتينسك قالاسىندا، بىرەۋى قاراعاندى قالاسىندا جاسىرىنىپ جۇرگەن جەرىنەن قولعا ءتۇستى. ۇستالعانداردان زاتتاي ايعاقتار تاركىلەندى جانە ولار كىنالارىن مويىندادى»، - دەلىنگەن ءىىد باسپا ءسوز قىزمەتى تاراتقان حابارلامادا.
ۇستالعان ازاماتتار 10 اقپان كۇنى ۇلى وتان سوعىسىنىڭ ارداگەرىن ءوز پاتەرىندە سوققىعا جىعىپ ولتىرگەن.
پىكىر قالدىرۋ