كوكتەم كەلدى. قازاقستانعا كوكتەم كەلدى دەگەندە سۋ تاسقىنىنىڭ قاتەرى قاتار كەلدى دەۋگە بولادى. بىلتىر ەلىمىز الاپات سۋ تاسقىنىنىڭ استىندا قالىپ، ەلىمىزدىڭ تەڭ جارتىسى سۋ باستى. ەلىمىزدىڭ 10 وبلىسىندا توتەنشە جاعداي جاريالاندى. ونىڭ سالدارىن جويامىز دەپ ۇكىمەتتىڭ رەزەرۆىنەن 46،9 ملرد تەڭگە ءبولىندى. جەرگىلىكتى بيۋدجەتتەن دە ەسەپسىز قارجى كەتتى، - دەدى دەپۋتات.

ارالباي ۇلى ايتقانداي، سۋ تاسقىنىنىڭ الدىن الۋ جۇمىستارى دۇرىس جۇرگىزىلگەندە قارجىنى باسقا ماقساتتا، ەلدىڭ الەۋمەتتىك ماسەلەلەرىن قولدانۋعا بولار ەدى.

بولار ءىس بولدى. وسىعان قاتىستى بىلتىر مەملەكەت باسشىسى سۋ، توتەنشە جاعدايلار مينيسترلىكتەرى، اكىمدىكتەر بىرلەسىپ جۇمىس اتقارمايتىنىن، جاۋاپكەرشىلىك الۋدان قاشاتىنىن ايتىپ، سىناعان بولاتىن. وسى سىننان قورىتىندى شىقتى ما، توتەنشە جاعدايلار مينيسترلىگى؟ "بيىل قازاقستاندا بىردە-بىر ەلدى مەكەن سۋ استىندا قالمايدى" دەپ، ەلگە تىنىشتىق سىيلاي الامىز با، جوق پا؟ - دەيدى ءماجىلىس دەپۋتاتى.

ول مينيسترلىككە ەلىمىزدە 1223 ەلدى مەكەن سۋ استىندا قالۋى مۇمكىن دەگەن اقپارات تاراتىپ جاتقاندارىن ايتتى.