11 ناۋرىز كۇنى الماتى قالاسىنداعى Smart Point ورتالىعىندا جۋرناليست، ءىت مامانى مەيىرجان اۋەلحان ۇلىنىڭ قازاق تىلىندە "جاساندى ينتەللەكت الىپپەسى" كىتابىنىڭ تۇساۋكەسەرى ءوتتى. 

     بۇل ەڭبەك “AI-Hub” كومپانياسى اياسىندا جارىققا شىققان. 

    اتالعان شارا اياسىندا كىتاپتىڭ تانىستىرىلىمى ءوتىپ، جاساندى ينتەللەكت سالاسىنداعى وزەكتى ماسەلەلەر جان-جاقتى تالقىلانادى. سونىمەن قاتار IT، كيبەرقاۋىپسىزدىك، بيوتەحنولوگيالار جانە جاساندى ينتەللەكتتىڭ بولاشاعى تۋرالى پىكىر الماسۋ الاڭى ۇيىمداستىرىلدى.

    كىتاپتىڭ تۇساۋكەسەرىن الماتى قالاسىنىڭ  الماتى قالاسى اكىمدىگىنىڭ ادەپ جونىندەگى ۋاكىلى ماماي احەتوۆ،  جازۋشى-پۋبليسيست قاينار ولجاي، اقىن ۇلىقبەك ەسداۋلەت،   جۋرناليست نۇرجان جالاۋ قىزى جانە قىزدار ۋنيۆەرسيتەتىنىڭ رەكتورى گۇلميرا قاناي كەستى. 

    - ءجي-دىڭ پايدا بولعانىنا كوپ وتكەن جوق. ول دامىعاننان كەيىن كوپ ۇزاماي ءار مەملەكەت ءوزىنىڭ زاڭدىق شەڭبەرىندە قولدانا باستايدى. جەر بەتىنىڭ حالقى تۇتاس جيىلىپ، وسىعان قاتىستى ورتاق شەشىم قابىلداۋى دا عاجاپ ەمەس. دەمەك، قايتكەندە دە ونىڭ باستى قوزعاۋشى كۇشى ادام بولادى. ءسىز وعان مىنانى ىستە دەپ بۇيرىق بەرمەيىنشە ول تىرپ ەتپەيدى. ياعني جاساندى ينتەللەكت فاكتورى ەمەس، ادامنىڭ نيەت-قالاۋى مەن ماقسات-مۇددەسى الدىڭعى قاتارعا شىعادى.
    جاساندى ينتەللەكتىنى قولدانۋعا بايلانىستى، ونى ءارتۇرلى سالاعا ەنگىزۋگە بايلانىستى، ماشينالىق وقىتۋعا بايلانىستى، مەديسينادا، ءبىلىم بەرۋدە، ونەر سالاسىندا، ماركەتينگ سالاسىندا پايدالانۋدا جاڭا ماماندىقتار پايدا بولىپ، مۇمكىندىكتەرى كوبەيەدى، - دەيدى كىتاپ اۆتورى مەيىرجان اۋەلحان ۇلى.