ق ر ءبىلىم جانە عىلىم ءمينيسترى ەرلان ساعادييەۆ ۆيسە-مينيستر ەسانعازى يمانعالييەۆكە الماتىداعى №1 بالالار ۇيىندەگى تاربيەلەنۋشىنىڭ جاعدايىن شەشىپ بەرۋدى تاپسىردى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

"مينيستر بالالاردىڭ قۇقىعى جونىندەگى كونۆەنسيانىڭ 19-بابىنا سايكەس، جاعدايعا ءادىل باعا بەرىپ، ءوز قۇزىرىمىزدىڭ اياسىندا شارا قولدانۋىمىز كەرەك ەكەنىن اتاپ ءوتتى. سونىمەن قاتار، ەرلان كەنجەعالي ۇلى ساعادييەۆ ماسەلەنىڭ بارىسىن ءادىل ءارى اشىق بولۋى ءۇشىن قوعامدىق ۇيىمداردى شاقىرۋدى تاپسىردى"، - دەلىنگەن مينيسترلىكتىڭ حابارلاماسىندا.

ەستەرىڭىزگە سالساق، وسىعان دەيىن الماتىداعى №1 بالالار ءۇيىنىڭ 12 جاستاعى تاربيەلەنۋشىسى 2015 جىلدىڭ جاز ايلارىندا زورلانعانىن مالىمدەگەن بولاتىن. بۇل تۋرالى بىلگەن ادامدار قالا پروكۋراتۋراسىنا حابار بەرگەن. ءىس الماتى قالالىق ىىد-نە بەرىلدى، تەرگەۋ ءجۇرىپ جاتىر. قازىرگى ۋاقىتتا بالا اسىراپ العان اتا-اناسىمەن بىرگە تۇرىپ جاتىر.