تالدىقورعان قالالىق سوتى “جەتىسۋ” فۋتبول كلۋبىنىڭ ديرەكتورى قالمۇحامەد دوڭسەبايەۆقا قاتىستى ۇكىم شىعاردى.
سىبايلاس جەمقورلىققا قارسى ءىس-قيمىل اگەنتتىگىنىڭ حابارلاۋىنشا ەكس-ديرەكتور كوماندانىڭ وقۋ-جاتتىعۋ جيىندارىن وتكىزۋ كەزىندە فۋتبولشىلاردىڭ تاماعىنا بولىنگەن 31،9 ميلليون تەڭگەنى جىمقىرعانى ءۇشىن كىنالى دەپ تانىلدى.
سوت شەشىمى نەگىزىندە دوڭسەبايەۆتىڭ سىرقات ەكەنى ەسكەرىلىپ، 7 جىلعا باس بوستاندىعىنان شەكتەلدى. سونىمەن قاتار، ەكس-باسشىعا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويى تىيىم سالىندى.
قالمۇحامەد دوڭسەبايەۆ جىمقىرعان اقشانى تولىقتاي مەملەكەتكە قايتاردى. ۇكىم زاڭدى كۇشىنە ەندى.
پىكىر قالدىرۋ