اقش پرەزيدەنتى دونالد ترامپتىڭ اكىمشىلىگى سوعىس سالدارىنان ەلگە باس ساۋعالاپ كەلگەن 240 000-عا جۋىق ۋكراينالىقتى ۋاقىتشا قۇقىقتىق مارتەبەسىنەن ايىرۋدى جوسپارلاپ وتىر. بۇل ولاردى دەپورتاسيالاۋ ءقاۋپىن تۋدىرۋى مۇمكىن.

باسىلىمنىڭ جازۋىنشا، بۇل شەشىم اقش-تا ءساۋىر ايىندا قابىلدانۋى مۇمكىن. دەگەنمەن ۋكراينالىقتاردى قورعاۋ شارالارىن توقتاتۋ ترامپ پەن ۋكراينا پرەزيدەنتى ۆلاديمير زەلەنسكيي اراسىنداعى وتكەن اپتاداعى جانجالدان بۇرىن باستالعان.

دەرەككوزدەردىڭ ايتۋىنشا، بۇل – ترامپ اكىمشىلىگىنىڭ بايدەن بيلىگى كەزىندە ۋاقىتشا گۋمانيتارلىق باعدارلامالار اياسىندا اقش-قا كىرۋگە رۇقسات العان 1،8 ميلليوننان استام ميگرانتتى لەگالدىق مارتەبەسىنەن ايىرۋعا باعىتتالعان ارەكەتىنىڭ ءبىر بولىگى.

اقش ىشكى قاۋىپسىزدىك مينيسترلىگىنىڭ باسپا ءسوز حاتشىسى تريشا ماكلافلين ازىرگە بۇل ماسەلەگە قاتىستى ەشقانداي رەسمي مالىمدەمە جاسالماعانىن ايتتى.

الايدا ميگرانتتار جەدەلدەتىلگەن دەپورتاسيا پروسەدۋراسىنا تاپ بولۋى مۇمكىن.  بۇل باعدارلامالار 240 000 ۋكراينالىقتى، سونداي-اق 530 000 كۋبالىق، گايتيلىك، نيكاراگۋالىق جانە ۆەنەسۋەلالىق ميگرانتتاردى قامتىعان. بۇعان قوسا، 70 000-نان استام اۋعان بوسقىنى دا وسى باعدارلامالار ارقىلى اقش-قا كەلگەن.