جەمقورلىق قىلمىستار جاسادى دەپ ايىپتالىپ،  جىلعا باس بوستاندىعىنان ايرىلعان قازاقستاننىڭ ەكس-پرەمەرى سەرىك احمەتوۆتىڭ اپپەلياسيالىق سوتى  ناۋرىزدا وتەتىن بولدى. بۇل تۋرالى «قامشى» پورتالى NUR.kz- كە سىلتەمە جاساپ حابارلايدى.

سونداي-اق، اپەللياسيالىق كوللەگيا وتىرىسى الدىڭعى سوت وتىرىستارى وتكەن ارنايى مامانداندىرىلعان سوت عيماراتىندا وتەتىنى بەلگىلى بولىپ وتىر.

«قاراعاندى وبلىستىق سوتىنىڭ زالىنا سوت پروسەسىنىڭ بارلىق قاتىسۋشىلارى مەن جۋرناليستەر سيمايدى. سوندىقتان، اپپەلياسيالىق سوت وتىرىسىن العاشقى ينستانسياداعى سوت وتىرىستارى وتكەن قىلمىستىق ىستەر بويىنشا ارنايى مامانداندىرىلعان سوت زالىندا وتكىزۋ تۋرالى شەشىم قابىلداندى»، - دەلىنگەن سوت حابارلاماسىندا.

العاشقى سوت ينستانسياسىندا سەرىك احمەتوۆ  مۇلكىن تاركىلەي وتىرىپ، 10 جىلعا، قاراعاندى وبلىسىنىڭ بۇرىنعى اكىمى باۋىرجان ابدىشيەۆ 5 جىلعا، قاراعاندى قالاسىنىڭ اكىمى مەيرام سماعۇلوۆ 3 جىلعا، قاراعاندى قالالىق جەر قاتىناستارى ءبولىمىنىڭ باستىعى ەرنار دارىبەكوۆ 3 جىلعا، «مەتۋللۋرگيا جانە مەتال وڭدەۋ» وندىرىستىك پاركىنىڭ بۇرىنعى ديرەكتورى اناتوليي ەسسە 7 جىلعا، ونىڭ ورىنباسارى ورازالى ايمەنبەتوۆ 3،5 جىلعا، قاراعاندى قالاسى اكىمىنىڭ بۇرىنعى ورىنباسارى ايدار تەلعارين 4 جىلعا، «قازاگرو» حولدينگىنىڭ بۇرىنعى باسقارما ءتوراعاسى دۋلات ايتجانوۆ 3 جىلعا باس بوستاندىعىنان ايرىلعان بولاتىن. بۇلاردان باسقا دا ءبىرقاتار لاۋازىمدى تۇلعالارعا شارتتى جازا قولدانۋ تۋرالى ۇكىم شىعارىلعان ەدى.

سەرىك احمەتوۆپەن بىرگە باس بوستاندىعىنان ايرىلعان قاراعاندى وبلىسىنىڭ بۇرىنعى اكىمى باۋىرجان ابدىشيەۆ، قاراعاندى قالاسىنىڭ اكىمى مەيرام سماعۇلوۆ تا اپپەلياسيالىق شاعىم تۇسىرگەن بولاتىن.