فەيسبۋك الەۋمەتتىك جەلىسى بۇگىندە بۇكىل ب ا ق جۇمىسىن ءوزى اتقارۋدا. قاراپايىم حالىق فەيسبۋكتە وتىرىپ مۇڭ شاعىپ، ارىزدانىپ، كوكەيدە جۇرگەن سۇراقتىڭ جاۋابىن الىپ وتىر. اتالمىش الەۋمەتتىك جەلى، اسىرەسە، قازاق ءتىلدى وقىرماننىڭ باعىنا اينالعانى جاسىرىن ەمەس. عالامتوردا وتىرىپ-اق جاقسىلىق جاساۋعا بولاتىنىنىڭ دالەلى رەتىندە ءۇش كۇن بۇرىن شەتەلدىك ب ا ق جارىسىپ جازعان وقيعانى نازارلارىڭىزعا ۇسىنامىز.

31 جاستاعى كولين روسس ەسىمدى كانادالىق ازامات فەيسبۋكتە جازعان ءبىر جازباسى ارقىلى ءبىر ادامنىڭ تاعدىرىن وزگەرتتى. ماسەلەنىڭ ءمان-جايى مىنانداي: سەنبى كۇنى كولين "Whitbie’s Fish & Chips " دەگەن جەرگە كىرىپ تاماقتانادى. ونى تاڭ قالدىرعانى - كافەدە ءبىر ادامنىڭ قىزمەت جاساۋى. سويتسە، 70 جاستاعى شوتلانديالىق دجون ماكميللان ءوزى يەسى، ءوزى داياشى، ءوزى اسپازشى ەكەن.

روسس پالتۋس بالىعىن تاپسىرىس بەرەدى. بالىقتىڭ ءدامىن تاتقان ول ەرىكسىز تاڭداي قاعادى. داياشى تۇگىل وزىنە ايلىق تولەۋگە مۇمكىندىگى جوق كافە يەسىنە قاراپ فەيسبۋكتە اتالمىش كافە جايلى جازبا جاريالاۋعا شەشىم قابىلدايدى. جازبا جاريالانعاننان كەيىن سەيسەنبى كۇنى 400 ادام، سارسەنبى كۇنى 500 ادام روسس ايتقان كافەنى ىزدەپ كەلەدى. كوليننىڭ فەيسبۋكتەگى جازباسىن 8000 ادام ءوز پاراقشاسىندا ءبولىسىپتى.

7 جىلدىڭ ىشىندە وسىنشاما كوپ كليەنتكە قىزمەت جاساعان دجون اعىنان جارىلىپ، مىنانداي سۇحبات بەرىپتى. ""Whitbie’s Fish & Chips" كافەسىن اشقاندا ول ادامداردىڭ كوڭىلىنەن شىقسا عوي دەگەن ارمانىم بولاتىن. بۇگىن سول ارمانىم ورىندالدى" دەيدى.

ءبىر ادامنىڭ تاڭدىرىن وزگەرتكەن كولين روسستىڭ فەيسبۋكتەگى جازباسى: "وز-وزىنە ايلىق تولەي الماعان 70 جاستاعى كافە يەسىنىڭ جاعدايى مەنى قاتتى تولقىتتى. مەن اينالامداعى ادامداردىڭ، اسىرەسە، مىنا ەڭبەكقور ادامنىڭ جاعدايى جاقسارعانىن قالايمىن. سول سەبەپتى لەتبريدج قالاسىنىڭ ءاربىر تۇرعىنىن "Whitbie’s Fish & Chips" كافەسىنە كەلىپ، قوناق بولۋعا ۇندەۋ تاستايمىن. دجون ماكميللان باقىتتى بولۋعا لايىقتى".

جازيرا بايدالى