بۇگىن استانادا ق ر مادەنيەت جانە اقپارات ءمينيسترى دارحان مىڭباي رەسپۋبليكالىق جانە ايماقتىق ب ا ق باس رەداكتورلارىن ءتول مەرەكەلەرىمەن قۇتتىقتادى. «بۇگىنگى تاڭدا جۋرناليستەر قاۋىمىنىڭ، اقپارات سالاسى قىزمەتكەرلەرىنىڭ جەتكەن جەتىستىكتەرى اۋىز تولتىرىپ ايتارلىقتاي جانە اقپارات قۇرالدارى مەملەكەتىمىزدىڭ، قوعامنىڭ رۋحاني دامۋىنا كوپ ۇلەس قوسىپ كەلە جاتىر. ەلباسى ءوزىنىڭ بيىلعى جولداۋىندا اقپاراتتىق تەحنولوگيالاردى بەلسەندىرەك يگەرۋ قاجەتتىگىن اتاپ وتكەن بولاتىن. بۇل ىستە مەنىڭشە، باسقا سالالارعا قاراعاندا، اقپارات قۇرالدارى ۇلگى-ونەگە كورسەتۋلەرى كەرەك»، - دەپ اتاپ ءوتتى مينيستر. «ءبىز سىزدەر وقىرماندارعا تاراتىپ جاتقان اقپاراتتارىڭىزعا، سونىڭ ىشىندە اشىق قوعام قۇرۋعا جانە مەملەكەتىمىزدىڭ دامۋىنا كومەكتەسەتىن سىني ماقالالارىڭىزعا دا العىس ايتامىز»، - دەدى د. مىڭباي. سالتاناتتى جيىندا 30 رەسپۋبليكالىق جانە وڭىرلىك بۇقارالىق اقپارات قۇرالدارىنىڭ باسشىلارىنا قۇرمەت گراموتالارى تاپسىرىلدى. ولاردىڭ ىشىندە «حابار» اگەتتىگى» اق، «ەكسپرەسس ك»، «ۆرەميا»، Bnews.kz، baq.kz، «سىر مەديا» جانە تاعى باسقالارى بولدى.

اۆتور: جاسۇلان جولدىبايەۆ

"قازاقپارات"