2005 جىلعى ءىس بويىنشا ورىنبور وڭىرىندە ايەل ادام  قازاقستان مەن رەسەيدىڭ ءبىراز اۋماقتارىندا تىيىم سالىنعان «اتا جولى» ءدىني ۇيىمىن ۇيىمداستىرعان . بۇل يدەولوگيا يسلامنىڭ، شامانيزم مەن اتا-بابامىزدىڭ ۇستانعان عۇرىپتارىنىڭ قوسىندىسىنان تۇرادى.

ورىنبور سوتى «اتا جولى» سەكتاسىن ۇيىمداستىرعان جانە ادام ءومىرى مەن دەنساۋلىعىنا ءقاۋىپتى ەمشىلىك قىزمەتتەردى كورسەتكەنى ءۇشىن  جۇماعىز كىشىعانوۆاعا قاتىستى ۇكىم شىعاردى. شىعارىلعان ۇكىم جايلى اقپاراتتى سوتتىڭ باسپا ءسوز قىزمەتىندە راستادى. بۇل تۋرالى  ريا «ورەنبۋرجە» حابارلايدى. 

كىشىعانوۆاعا  ەكى باپ بويىنشا، «ادام دەنساۋلىعىنا زيان كەلتىرەتىن ءدىني بىلەستىك قۇرعانى» جانە «تۇتىنۋشىلاردىڭ ءومىرى مەن قاۋىپسىزدىگىنە كەپىل بەرمەيتىن قىزمەت ۇسىنعانى» ءۇشىن ايىپتالدى. 

سوت ەكى جىلعا باس بوستاندىعىنان ايىرۋعا جازا تاعايىندادى، – دەپ مالىمدەدى ورىنبور سوتى.

ەستەرىڭىزگە سالا كەتەيىك، «اتا جولى» (اق جول) ءوز قىزمەتىن ۇيىم رەتىندە 1997 جىلعى اقپان ايىندا باستاعان. كەيىننەن «اتا جولى» دەپ اتاۋىن وزگەرتىپ، 2001 جىلى الماتىدا كوممەرسيالىق ۇيىم (ج ش س) رەتىندە تىركەلگەن. ۇيىمداستىرۋشىسى بۇكىل قازاقستان بويىنشا كوپتەگەن شاكىرتتەرى بار ءقىدىرالى تارىبايەۆ. «اتا جول» اتتى رۋحاني-تانىمدىق جۋرنال، «اتا جولى الىپپەسى» اتتى كىتاپشالارىن جانە باسقا دا باسىلىمدار شىعارىپ وتىرادى. اتالعان ۇيىمنىڭ باستى ماقساتى – بەلگىلى ءبىر تولەماقىعا ادامنان اۋليە جاساۋ. ەمدەۋ كۋرسى ىشىنە اتا-بابالاردىڭ ارۋاقتارمەن بايلانىسۋ ءۇشىن قازاقستاننىڭ وڭتۇستىك ايماقتارىنداعى كيەلى جەرلەرگە بارۋ كىرەدى. ادامدى ونىڭ ساۋەگەيلىك پەن ەمشىلىك قاسيەتىنە يە ەكەندىگىنە جانە ادامداردى كەسەلدەن ەمدەي الاتىندىعىنا سەندىرەدى. ەگەر ول ارۋاقتاردىڭ شاقىرۋىنا قۇلاق اسپاسا، باقىتسىزدىققا ۇشىرايدى دەپ قورقىتادى.

قازاقستاندا «اتا جولى» قوزعالىسىنىڭ جۇمىسىنا سوت شەشىمىمەن تىيىم سالىنعان.